Марк 1:28 - Мукъаддес Китап

²⁸ Онынъ акъкъында хабер бутюн Галилея топракъларына тез-тез даркъалды.

Марк 1:28 ပူးပေါင်းရင်းမြစ်များ

Микъа 5:4

О, келип, РАББИнинъ кучюнен, Алласынынъ, РАББИнинъ шуретли Адынен халкъына чобанлыкъ япаджакъ, олар тынчлыкъ ичинде яшайджакълар, Онынъ буюклиги дюньянынъ четлерине етеджек.

Матта 4:24

Онынъ шурети бутюн Суриеге даркъалды. Исанынъ алдына тюрлю хасталыкъларнен ве агъыр дертлернен чекишип юргенлерни, джин ургъанларны, паралич ургъанларны ве тутарыкъ хасталарыны кетире эдилер. Иса оларнынъ эписини тедавийлей эди.

Матта 9:26

Бу адисе акъкъында хабер шу ернинъ бутюн этрафларына даркъалды.

Матта 9:31

Амма олар кетип, Онынъ акъкъында хаберни бутюн этрафларда даркъаттылар.

Марк 1:27

Буны корьгенлер эписи шашып къалдылар. Бир-биринден: – Бу насыл шей? – деп сорай эдилер. – Насылдыр бир яп-янъы огретюв… Онынъ къудрети о къадар буюк ки, О, арам рухларгъа эмир эте, олар исе Онъа бойсуналар.

Марк 1:29

Иса синагогадан чыкъар-чыкъмаз, Якъуп ве Юханнен берабер Симон ве Андрейнинъ эвине кирдилер.

Марк 1:45

Амма о адам кетип, озюнен олгъан вакъианы орталыкъкъа даркъатып башлады. Нетиджеде, Иса энди шеэр ичине ачыкъ кирип оламайып, адамсыз ерлерде къала эди. Лякин адамлар Онъа анда да эр ерден келе эдилер.

Лука 4:17

Онъа Ешая пейгъамбернинъ китабыны бердилер. Иса китапны ачып:

Лука 4:37

Онынъ акъкъында хабер бутюн этрафларгъа даркъалды.

Лука 7:17

Иса акъкъында бу хабер бутюн Еудие ве онынъ этрафларына даркъалды.