Малакий 3:11 - Мукъаддес Китап

¹¹ Эписини ёкъ эткен боджеклерге буюраджагъым, ве олар топракъ махсулларынъызны бозмайджакъ. Багъдаки юзюм кутюклеринъиз де берекетсиз къалмайджакъ, – дей Ордуларнынъ РАББИси.

Малакий 3:11 ပူးပေါင်းရင်းမြစ်များ

Йирмея 8:13

– Берекетлерини бутюнлей джыяджагъым, – дей РАББИ. Юзюм багъында бир юзюм данеси, инджир терегинде бир инджир къалмайджакъ, япракълары да солып къуруйджакъ. Оларгъа не берген олсам, гъайып оладжакъ.

Хошеа 2:21

– О куню, – дей РАББИ, – Мен джевап береджегим. Мен коклерге дейджегим, ве коклер ерге ягъмур ягъдыраджакъ.

Ёэль 1:12

Юзюм кутюклери къуруды, инджир тереги солып къалды. Нар, хурма ве алма, бутюн тарладаки тереклер къуруды. Адам огъулларынынъ шенълиги де ёкъ олды.

Ёэль 1:4

Тыртырлардан къалгъаныны сарынчкъалар ашады, сарынчкъалардан къалгъаныны чегерткилер ашады, чегерткилерден къалгъаныны къонъузлар ашап битирди.

Ёэль 1:7

Олар юзюм кутюгимни къырды, инджир терегимни йыкъты, къабукъларыны айырып ерге атты, пытакъларыны бем-беяз къалдырды.

Ёэль 2:20

Шимальден кельген душманларны сизден узакълаштыраджагъым, сувсуз ве бош бир топракъкъа къувалайджагъым. Огден кеткенлерни Олю денъизге котерип атаджагъым, арттан кельгенлерни Акъ денъизге ташлайджагъым. Олар яман къокъу даркъатаджакъ, сасыкъ къокъулары котериледжек, чюнки олар чокъ яманлыкъ эттилер.

Ёэль 2:22

Эй, кийик айванлар, къоркъманъыз! Чёль отлакълары отны осьтюрир, тереклер мейва берер, инджир ве юзюм де озь берекетини кетирир.

Ёэль 2:25

Берекетинъизни тыртыр, сарынчкъа, чегертки ве къонъузлар ашагъан йыллары ичюн, сизге къаршы ёллагъан буюк ордум ичюн акъкъынъызны къайтарырым.

Амос 4:9

– Мен сизге къурутыджы ельни, ашлыкъларынъызгъа куфни ёлладым. Багъча ве юзюм багъчаларынъызны, инджир ве зейтюн тереклеринъизни сарынчкъа ашады, лякин сиз Манъа къайтмадынъыз, – дей РАББИ.

Хавакъкъукъ 3:17

Инджир тереги ачмаса да, юзюм пытагъы емиш бермесе де, зейтюн берекет бермесе де, тарлада отьмек етишмесе де, къошта къойлар къалмаса да, аранда тувар къалмаса биле –

Хагъгъай 1:11

Мен топракъкъа ве дагъларгъа къургъакълыкъ ёлладым. Шунынъ ичюн топракънынъ ич бир берекети – не богъдай, не янъы шарап, не тазе зейтюн ягъынынъ берекети ёкъ. Эм адамлар, эм айванлар къыйнала, къолларынъызнынъ ишлери де файдасыз.

Хагъгъай 2:17

Мен сизге къурутыджы ельни, ашлыкъларынъызгъа куфни, къолларынъызнынъ ишлерине бурчакъны ёлладым. Амма сиз Манъа къайтмай эдинъиз, – дей РАББИ.

Зекерья 8:12

– Адамлар тынчлыкъта урлукъларны сачаджакъ. Юзюм чубугъы озь махсулыны береджек, топракъ берекетини кетиреджек, коклер чыкъыны ёллайджакъ. Мен бунынъ эписини къалгъан бу халкъкъа береджегим.

Къануннынъ текрары 11:14

о вакъыт О, дегенини: «Мен топрагъынъызгъа вакъты-вакътына кузь ве баарь ягъмурларыны ёлларым ве сиз ашлыкъны джыярсынъыз, яш шарапны ве зейтюн ягъыны япарсынъыз.