Лука 9:60 - Мукъаддес Китап

⁶⁰ Иса онъа: – Олюлер озь олюлерини дефн этсинлер. Сен исе барып, Алланынъ Падишалыгъыны илян эт, – деди.

Лука 9:60 ပူးပေါင်းရင်းမြစ်များ

Матта 4:23

‌Иса бутюн Галилеяны айланып чыкъа башлады. Синагогаларда халкъны огретип, Алланынъ Падишалыгъы акъкъында хабер эте, адамларны тюрлю хасталыкълардан ве дертлерден тедавийлеп юре эди.

Матта 8:22

Лякин Иса онъа: – Сен Меним артымдан юр. Олюлер озь олюлерини дефн этсинлер, – деди.

Лука 15:24

Меним бу огълум олю эди – тирильди, гъайып олды – тапылды», – дей. Сонъ олар байрам япа башлайлар.

Лука 15:32

Бизге къуванмакъ ве шенъленмек керек. Сенинъ бу къардашынъ олю эди – тирильди, гъайып олды – тапылды», – дей.

1 Коринтлилерге 9:16

Амма мен Къуванчлы Хаберни даркъаткъанымнен макътанмагъа акъкъым ёкъ, чюнки буны япмагъа – меним борджумдыр. Эгер Къуванчлы Хаберни даркъатмасам, меним алым беля!

Эфеслилерге 2:1

Сизлер къанунсыз япкъанларынъыз ве гуналарынъыз ичюн олю эдинъиз,

Эфеслилерге 2:5

бизни, бизим къанунсыз ишлеримиз ичюн олю олгъанларымызны Месихнен берабер джанландырды, – сизлер Алланынъ эйилигинен къуртарылгъансынъыз, –

1 Тимотейге 5:6

Амма кейф чатып яшагъан тул къадын тири олгъанда биле олюдир.

2 Тимотейге 4:2

Алланынъ Сёзюни огрет, келишкен ве келишмеген вакъытта азыр ол, буюк сабырнен ве насиатнен гуналарны ярыкъкъа чыкъар, тенбиеле ве юреклендир.

2 Тимотейге 4:5

Амма сен эр шейге айыныкъ ол, агъырлыкъкъа даян, Къуванчлы Хаберни даркъат, хызметинъни яхшы беджер.

Сырларнынъ ачылувы 3:1

Сарда шеэриндеки иманлылар джемиетининъ мелегине яз: «Алланынъ еди Рухунынъ ве еди йылдызнынъ Сабысы олгъан бойле дей: Сенинъ ишлеринъни билем. Сен тириге ошайсынъ, амма акъикъатен олюсинъ.