Лука 9:41 - Мукъаддес Китап

⁴¹ Иса бунъа джевап берип: – Эй, имансыз ве бозукъ адамлар! Мен сизнен даа не къадар оладжам? Сизге не къадар чыдап тураджам? Огълунъны бу ерге кетир! – деди.

Лука 9:41 ပူးပေါင်းရင်းမြစ်များ

4 Падишалар 5:8

Алланынъ адамы Эль-Яса, Исраиль падишасы озь урбаларыны йырткъаны акъкъында эшитип, падишагъа бойле хабер йиберип: – Не ичюн озь урбаларынъны йырттынъ? О адам манъа кельсин, Исраильде пейгъамбер олгъаныны бильсин, – деди.

Зебур 78:8

Бабаларымызнынъ гуналарыны бизге хатырлатма, якъында шефкъатынъ бизим тарафымызгъа айлансын, чюнки биз пек зайыфлаштыкъ.

Чыкъыш 10:3

Мусанен Харун фыравунгъа келип, бойле дедилер: – РАББИ, еудийлернинъ Алласы: «Сен даа не къадар вакъыт Манъа бойсунмайджакъсынъ? – деп сорай. – Манъа ибадет этмек ичюн, халкъымны йибер.

Чыкъыш 16:28

Сонъ РАББИ Мусагъа: – Сиз Меним эмирлеримни ве къанунларымны кутьмесинден даа чокъ вакъыт къачынаджакъсынъызмы?

Йирмея 4:14

Эй, Ерусалим, къуртулмакъ ичюн, юрегинъни яман шейлерден темизле. Къара ниетлеринъ ичинъде даа не къадар къаладжакъ?

Сайылар 14:11

ве РАББИ Мусагъа: – Бу халкъ не вакъыткъадже Манъа урьметсизлик бильдиреджек? Оларнынъ арасына Мен япкъан аджайип шейлериме бакъмадан, не вакъыткъадже олар Манъа ишанмайджакълар?

Сайылар 14:27

– Бу яман джемаат не вакъыткъадже Манъа къаршы шикяет этеджек? Мен Исраиль огъулларынынъ Манъа къаршы шикяет эткенлерини эшитем.

Матта 11:28

Агъыр юк тюбюнде къыйналгъан ве болдургъанлар! Меним яныма келинъиз – Мен сизге раатлыкъ берерим.

Матта 12:39

Иса оларгъа джевап берип, шойле деди: – Ярамай ве ороспу несиль бельги къыдыра, лякин Юнус пейгъамбернинъ бельгисинден гъайры оларгъа бельги берильмейджек.

Матта 12:45

О вакъыт джин бара да, озюнинъ янына башкъа, даа бетер еди джинни ала ве оларнен эвге кирип ерлеше. Сонъра, о адамнынъ алы эвелькисинден бетер ола. Бу ярамай несильнинъ алы да шойле оладжакъ.

Матта 16:4

Ярамай ве ороспу несиль бельги къыдыра, лякин Юнуснынъ бельгисинден гъайры оларгъа бельги берильмейджек, – деди ве оларны къалдырып кетти.

Матта 17:17

– Эй, имансыз ве бозукъ адамлар! Не вакъыткъадже сизлернен оладжам?! Не къадаргъадже сизлерге даянаджам?! Баланы бу ерге, Меним алдыма кетиринъиз! – деди Иса.

Матта 23:36

Сизге догърусыны айтам: буларнынъ эписи шу несильнинъ бойнуна тюшеджек.

Матта 3:7

Ягъянынъ алдына чокъ ферисе ве саддукий де сувгъа батырылып чыкъмагъа кельгенлерини корип, о оларгъа: – Эй, йылан союндан олгъанлар! Башынъызгъа келеяткъан Алланынъ гъазабындан къачып къуртуладжагъынъызны сизге ким огретти? – деди.

Марк 10:14

Иса буны корьгенде, ачувланып: – Балаларгъа Манъа кельмеге ёл ачынъыз, оларны токътатманъыз. Алланынъ Падишалыгъы оларнынъкидир.

Марк 10:49

Иса токътап: – Оны мында чагъырынъыз, – деди. Кёрны чагъырып, онъа: – Джесюр ол, еринъден тур! О, сени чагъыра, – дедилер.

Марк 9:19

Иса: – Эй, имансыз адамлар! Не вакъыткъадже сизлернен оладжам?! Не къадаргъадже сизлерге даянаджам?! Баланы огюме кетиринъиз! – деди.

Лука 8:25

Иса шегиртлерине: – Сизинъ иманынъыз къайда? – деди. Шегиртлер исе къоркъып ве шашып бир-бирине: – Кимдир бу я? О, ельге ве сувгъа буюра, ве олар Онъа бойсуналар! – дедилер.

Лука 9:40

Мен Сенинъ шегиртлеринъе джинни къувмагъа ялвардым, лякин оларнынъ къолундан кельмеди, – деди.

Лука 9:42

Бала Исагъа якъынлашкъанда, джин оны ерге йыкътырып сарсытты. Лякин Иса арам рухкъа баланы къыйнамагъа ясакъ этти, баланы тедавийледи ве бабасына берди.

Юхан 14:9

– Филип, – деди Онъа Иса. – Мен о къадар вакъыттан берли сизнен берабер олдым, ве Мени бильмейсинъми? Мени корьген адам Бабамны да корьди. Сен насыл этип, «Бизге Бабаны косьтер», дейсинъ?

Юхан 20:27

Сонъ Томагъа бакъып: – Пармагъынъны мында къой, Меним къолларыма бакъ. Къолунъны узат да, оны багърыма къой. Энди имансыз олма, иманлы ол! – деди.

Фаалиет 13:18

Сахрада къыркъ йыл девамында оларнынъ япкъанларына чыдай эди.

Фаалиет 2:40

Пётр даа чокъ башкъа сёзлернен оларны тенбиелеп, насиат берип: – Озюнъизни бу бозукъ несильден къуртарынъыз! – дей эди.

Римлилерге 2:4

Алланынъ сынъырсыз яхшылыгъы, мерамети ве буюк сабыры сизлер ичюн ич бир шей дегильми? Онынъ эйилиги сизни тёвбеге кетиреяткъаныны анъламайсынъызмы?

Къануннынъ текрары 32:5

Олар Онъа къаршы ахлякъсыз арекет этти; Онынъ балалары киби дегиль, олар къусур олды, бозукъ ве яланджы несильдир.

Еудийлерге 3:19

Коремиз ки, олар имансыз олгъаны ичюн, раатлыкъ ерине кирип оламадылар.

Еудийлерге 4:11

Бойлеликнен, раатлыкъ ерине кирмеге тырышайыкъ, ве ич кимсе, олар киби, имансызлыкъкъа огърамасын.

Еудийлерге 4:2

Бизлер, олар киби, бу яхшы хаберни эшиттик, амма олар эшиткен сёзлерни иманнен къабул этмегенлери ичюн, эшиткенлерининъ файдасы ёкъ эди.

Еудийлерге 7:25

Шунынъ ичюн адамлар Исанынъ ярдымынен Аллагъа якъынлашкъанда, Иса оларны къуртара биле, чюнки О, эр вакъыт яшай ве Алланынъ огюнде оларнынъ тарафыны тутып, оларны къорчалай.