Лука 9:19 - Мукъаддес Китап

¹⁹ Олар джевап берип: – Базылары Сени Сувгъа Батырыджы Ягъя, башкъалары – Ильяс деп саялар, даа башкъалары: «Къадимий пейгъамберлерден бириси тирильди», – дейлер, – дедилер.

Лука 9:19 ပူးပေါင်းရင်းမြစ်များ

Малакий 4:5

РАББИнинъ буюк ве къоркъунчлы куню кельмезден эвель, Мен сизге Ильяс пейгъамберни ёллайджагъым.

Матта 14:2

озюнинъ хызметчилерине: – Бу – Сувгъа Батырыджы Ягъядыр! О, олюлерден къайтып тирильген! Шунынъ ичюн онда аджайип шейлер япмагъа кучю бар, – деди.

Матта 3:1

‌Шу куньлерде Еудиенинъ сахрасында Сувгъа Батырыджы Ягъя пейда олды. О адамларгъа:

Марк 6:14

‌Иса акъкъында Ирод падиша эшитти. Исанынъ намы белли олды, ве адамлар Онынъ акъкъында: «Сувгъа Батырыджы Ягъя тирильди! Шунынъ ичюн онда аджайип шейлер япмагъа кучю бар», – айта эдилер.

Марк 6:15

Башкъалары исе: «О – Ильяс», – деп сая, даа башкъалары: «О – эвельки пейгъамберлер киби бир пейгъамбердир», – дей эдилер.

Лука 9:18

Куньлернинъ биринде Иса ялынъыз Озю къалып дува окъугъанда, Онынъ янына шегиртлери кельди. Иса олардан: – Халкъ Мени ким деп сая? – деп сорады.

Лука 9:20

Иса олардан: – Я сиз Мени ким деп саясыз? – деп сорады. Пётр Онъа: – Алланынъ Месихи, – деп джевап берди.

Юхан 1:21

Олар ондан: – Ойле олса, сен Ильяс оласынъмы? – деп сорадылар. – Ёкъ, мен о дегилим! – деди о. – Анавы Пейгъамберсинъми? – Ёкъ! – деп джевап берди о.

Юхан 1:25

Олар Ягъядан: – Эгер сен не Месих, не Ильяс, не Анавы Пейгъамбер олсанъ, не ичюн халкъны сувгъа батырып чыкъарасынъ? – деп сорадылар.

Юхан 7:40

Халкъ арасындан базылары бу сёзлерни эшитип: – Акъикъатен, бу адам – анавы Пейгъамбердир, – дедилер.

Юхан 9:17

– Сенинъ фикиринъдже, козьлеринъни ачкъан адам кимдир? – деп, кене кёр адамдан сорадылар. – О, пейгъамбердир, – деди о.