Лука 5:5 - Мукъаддес Китап

⁵ Симон джевап берип: – Саибим, биз бутюн гедже чалыштыкъ, амма бир шей тутып оламадыкъ. Лякин Сен буюрсанъ, мен сачмаларны ташларым, – деди.

Лука 5:5 ပူးပေါင်းရင်းမြစ်များ

Ехезкель 47:10

Ялыда балыкъчылар пейда оладжакъ. Эн-Гедиден башлап Эн-Эгълаимге къадар балыкъ тутып, агъларны къурутмагъа къояджакълар. Анда Акъ денъиздеки олгъаны киби, пек чокъ чешит тюрлю балыкъ оладжакъ.

Лука 17:13

кучьлю сеснен къычырдылар: – Эй, саибимиз Иса, бизге мерамет эт! – дедилер.

Лука 8:24

Исанынъ янына барып, Оны уяттылар ве: – Саип, Саип, биз гъайып оламыз! – дедилер. Иса уянгъанынен, ельге ве далгъаларгъа токътамакъны буюрды. Олар токътадылар, голь де тынчланды.

Лука 8:45

– Манъа ким тийди? – деди Иса. Эписи, бу мен дегиль эдим, дедилер. Пётр исе: – Саибим, Сени этрафынъдаки адамлар сыкъыштырып туралар, – деди.

Лука 9:33

Муса ве Ильяс Исанен сагълыкълашкъанда, Пётр Исагъа: – Саип, бу ерде бизге не яхшы я! Биз учь чалаш къурайыкъ да, бириси Санъа, бириси Мусагъа ве бириси Ильяскъа олсун, – деди. О, не айткъаныны озю де бильмей эди.

Лука 9:49

‌Юхан исе Исагъа: – Саип, биз Сенинъ Адынънен джинлерни къувгъан бир адамны корьдик. О, бизнен берабер юрмегени ичюн, биз онъа бу шейни япмагъа ясакъ эттик, – деди.

Юхан 15:14

Эгер сиз буюргъанларымны беджерсенъиз, сиз Меним достларымсыз.

Юхан 2:5

О вакъыт анасы хызметчилерге: – О, сизге не айтса, оны япынъыз, – деди.

Юхан 21:3

Симон Пётр башкъаларына: – Мен балыкъ тутмагъа кетем, – деди. – Биз де сеннен берабер барайыкъ, – деди олар. Сонъ барып, олар къайыкъкъа миндилер. Лякин шу геджеси ич бир шей тутмадылар.