Лука 5:15 - Мукъаддес Китап

¹⁵ Иса акъкъындаки лафлар эп чокълаша эди. Оны динълемек ве хасталыкъларындан къуртулмакъ ичюн, халкъ Онъа топнен келе башлады.

Лука 5:15 ပူးပေါင်းရင်းမြစ်များ

Икметли сёзлер 15:33

РАББИ къоркъусы икметке огретир, ве шуретнинъ огюнден алчакъгонъюллик келир.

Матта 9:26

Бу адисе акъкъында хабер шу ернинъ бутюн этрафларына даркъалды.

Матта 9:31

Амма олар кетип, Онынъ акъкъында хаберни бутюн этрафларда даркъаттылар.

Марк 1:28

Онынъ акъкъында хабер бутюн Галилея топракъларына тез-тез даркъалды.

Марк 1:45

Амма о адам кетип, озюнен олгъан вакъианы орталыкъкъа даркъатып башлады. Нетиджеде, Иса энди шеэр ичине ачыкъ кирип оламайып, адамсыз ерлерде къала эди. Лякин адамлар Онъа анда да эр ерден келе эдилер.

Марк 3:7

Иса шегиртлеринен берабер голь тарафкъа ёл алды. Онынъ артындан Галилея ве Еудиеден пек чокъ адам юрмекте эди.

Лука 12:1

Шу арада дюньянынъ адамы топланып, къалабалыкъта бир-бирининъ аякъларына басып тура эдилер. Иса башта Озь шегиртлерине айтып башлады: – Фериселернинъ маясындан, яни экиюзьлюликтен сакъынынъыз!

Лука 14:25

Исанен берабер чокътан-чокъ адам юре эди. О оларгъа таба чевирилип:

Юхан 6:2

Онынъ пешинден чокъ адам юре эди. Олар Исанынъ хасталаргъа япкъан аджайип ишлерини корьмеге истей эдилер.

1 Тимотейге 5:25

Хайырлы ишлер де беллидир, белли олмагъан сойлары да гизли къалмаз.