Лука 23:35 - Мукъаддес Китап

³⁵ Халкъ исе анда турып сейир эте эди. Башлыкълар Исаны мыскъыллап: – Башкъаларыны къуртара эди де, барсын энди, эгер О, акъикъатен Алла сайлагъан Месих олса, Озюни къуртарсын! – деп куле эдилер.

Лука 23:35 ပူးပေါင်းရင်းမြစ်များ

Зебур 4:2

Сени чагъыргъанымда, мени эшит, эй, меним адиль Аллам! Белягъа огърагъанымда, Сен манъа ярдым эттинъ. Кене манъа мерамет эйле де, дувамны эшит!

Зебур 71:11

Бутюн падишалар Онъа бель букеджек, бутюн халкълар Онъа хызмет этеджек.

Ешая 42:1

– Мына – къулум! Мен оны сайладым ве онъа ярдым этем! О – джанымнынъ чырагъыдыр. Онъа Озь Рухумны бердим; О, халкъларгъа адалетликни илян этер.

Ешая 49:7

Исраильни сатын алгъан РАББИ, Азиз Алла, масхара олгъангъа, халкъларнынъ кореджек козю олмагъангъа, падишаларнынъ къулуна бойле дей: – Ишанчлы РАББИ, сени сайлагъан Исраильнинъ Азизи ичюн, падишалар сени корип, аякъкъа тураджакълар, сенинъ огюнъде башлыкълар ерге тюшеджеклер.

Ешая 53:3

Адамлар Оны ашалады, Ондан башыны чевирди. Азап чеккен, чокъ хасталыкъ корьген акъай эди. Бизлер Ондан бетимизни чевире эдик, адамлар Оны ашалады, ве биз Оны адам ерине саймай эдик.

Агълав йырлары 3:14

бутюн халкъ огюнде масхара олдым, мени эр кунь йырларнен мыскъыллайлар.

Зекерья 12:10

Давутнынъ союна ве Ерусалимде яшагъанларгъа исе мерамет ве ярдым рухуны ёллайджагъым. Олар Онъа, озьлери тешип ольдюрген инсангъа бакъаджакълар ве Онынъ ичюн, бирден-бир ольген огълу артындан агълагъанлар киби, агълайджакъ, ольген биринджи догъгъан балагъа киби янаджакъ.

Матта 12:18

Мына – Мен сайлагъан Къулум, севгилим ве джанымнынъ чырагъы! Мен Онъа Озь Рухумны береджегим, О, эписи халкъларгъа адалетликни илян этеджек.

Матта 3:17

Коклерден: – Бу – Меним севимли Огълумдыр! Мен Ондан разым! – деген сес эшитильди.

Лука 16:14

‌Пара севген фериселер буны эшитип, Исаны мыскъыллап башладылар.

Лука 23:13

Пилат баш руханийлерни, башлыкъларны ве халкъны бир ерге чагъырып,

Лука 23:39

Хачкъа асылып тургъан джинаетчилерден бириси Иса акъкъында куфюр сёзлер айтып: – Сен Месих дегильсинъми? Озюнъни де, бизни де къуртар! – деди.

1 Пётр 2:4

Сиз Онъа, тири Къаягъа якъынлашынъыз. Адамлар Оны бир четке ташладылар, Алла исе Оны сайлады ве къыйметли япты.