Лука 2:15 - Мукъаддес Китап

¹⁵ Мелеклер кокке котерильген сонъ, чобанлар бир-бирине: – Айды, Вифлеемге барайыкъ да, анда не олгъаныны, Раббиден бизге бильдирильген шейлерни бакъайыкъ, – дедилер.

Лука 2:15 ပူးပေါင်းရင်းမြစ်များ

4 Падишалар 2:1

РАББИ Ильясны фуртуна ичинде коклерге чыкъармагъа истеген вакъытта, Ильяс Эль-Ясанен берабер Гилгалдан чыкъып кетеята эди.

4 Падишалар 2:11

Олар ёлдан кетип лаф этеяткъанда, бирден атешли арабагъа екильген атешли атлар пейда олды. Олар Ильясны Эль-Ясадан айырдылар, ве Ильяс фуртуна ичинде коклерге котерильди.

Зебур 111:2

Бу адамнынъ сою ер юзюнде къудретли олур, догъруларнынъ несилини алгъышларлар.

Чыкъыш 3:3

О: – Барайым да, бу аджайип шейге бакъайым. Не ичюн чалы янып битмей экен? – деди.

Матта 12:42

Дженюп къыраличеси Ахирет кунюнде бу несильнен берабер котерилип, оны къабаатлайджакъ. О, Сулейманнынъ икметли лафларыны динълемек ичюн, дюньянынъ о бир четинден кельген. Мында исе Сулеймандан буюкче Сою бар!

Лука 2:14

– Юкъары коклерде Аллагъа шан-шурет! О мемнюн олгъан адамларгъа ер юзюнде барышыкъ олсун! – дедилер.

Лука 2:16

Олар тез-тез ёлгъа чыкътылар ве барып Мерьемни, Юсуфны ве ашлавда яткъан баланы таптылар.

Лука 24:51

Дува окъугъанда, олардан узакълашып, кокке котерильди.

1 Пётр 3:22

Месих исе кокке котерилип, шимди Алланынъ онъ тарафында олаята; Алла Онъа мелеклерни, акимиетлерни ве кучьлерни бойсундырды.