Лука 18:32 - Мукъаддес Китап

³² Оны Алланы бильмеген адамларнынъ къолуна береджеклер, мыскъыллап акъаретлейджеклер, Онынъ бетине тюкюреджеклер,

Лука 18:32 ပူးပေါင်းရင်းမြစ်များ

Ешая 50:6

Мени ургъанларгъа аркъамны, сакъалымны алгъанларгъа янакъларымны ачтым. Ашаламакътан ве тюкюриктен бетимни къапатмадым.

Ешая 52:14

Чокъусы санъа бакъып, шашып къалдылар; оны ойле котекледилер ки, оны танымагъа мумкюн дегиль эди, адам сыфаты къалмады.

Ешая 53:3

Адамлар Оны ашалады, Ондан башыны чевирди. Азап чеккен, чокъ хасталыкъ корьген акъай эди. Бизлер Ондан бетимизни чевире эдик, адамлар Оны ашалады, ве биз Оны адам ерине саймай эдик.

Микъа 5:1

Шимди исе, ордуларнынъ шеэри, ордуларынъны котер! Бизни алкъагъа алдылар; Исраиль ёлбашчысынынъ янагъына падиша таягъынен ураджакълар.

Матта 16:21

‌Шу вакъыттан башлап, Иса шегиртлерине Онъа Ерусалимге бармагъа кереклигини, анда акъсакъаллар, баш руханийлер ве Къанун оджалары къолунда чокъ азап чекип, ольдюриледжегини, амма учюнджи куню тириледжегини ачыкъ-айдын айтып башлады.

Матта 20:19

Масхара этмек, къамчыламакъ ве хачкъа мыхламакъ ичюн, Оны Аллагъа инанмагъан адамларгъа береджеклер. Учюнджи куню исе О, тириледжек, – деди.

Матта 22:6

Къалгъанлары исе падишанынъ хызметчилерини тутып, хорлап ольдюрелер.

Матта 26:67

Сонъ олар Исанынъ юзюне тюкюрип, Оны урдылар ве котеклеп:

Матта 27:2

Оны багъладылар ве аким Пилатнынъ огюне алып бардылар.

Марк 14:65

Базылары Онъа къаршы тюкюре башладылар. Онынъ бетини къапатып, башына урдылар ве: – Пейгъамберлигинъни косьтер! – деп къычырдылар. Сонъ хызметчилер де Оны урмагъа башладылар.

Марк 15:1

‌Саба танъ аткъанынен, баш руханийлер, акъсакъаллар, Къанун оджалары ве бутюн Юксек Шура топланып, мушавере яптылар. Сонъ, Исанынъ къолларыны багълап, Пилатнынъ огюне алып бардылар.

Лука 18:33

Оны къамчылап ольдюреджеклер. Амма учюнджи куню О тириледжек, – деди.

Лука 23:1

‌Оларнынъ эписи турып, Исаны Пилатнынъ алдына алып кеттилер.

Лука 23:11

Ирод аскерлеринен берабер Исаны ашалап масхара этти, Онъа ачыкъ тюсте паалы урбалар кийдирип, Пилатнынъ алдына къайтарып йиберди.

Лука 23:35

Халкъ исе анда турып сейир эте эди. Башлыкълар Исаны мыскъыллап: – Башкъаларыны къуртара эди де, барсын энди, эгер О, акъикъатен Алла сайлагъан Месих олса, Озюни къуртарсын! – деп куле эдилер.

Юхан 18:22

Иса буларны айткъан вакъытта, якъын тургъан мемурлардан бири Исанынъ бетине урып: – Баш руханийге насыл джевап бересинъ? – деди.

Юхан 18:28

‌Исаны Каяфанынъ эвинден преториягъа алып бардылар. Саба эрте эди. Песах ашыны ашамагъа истеп, еудийлер арамланмакъ истемедилер ве преториягъа кирмедилер.

Юхан 18:30

– Эгер О, яманлыкъ япмагъан олса, Оны санъа алып кетирмез эдик, – деп джевап берди олар.

Юхан 18:32

Шунынънен, Исанынъ келеджек олюми акъкъында айткъан сёзлери ерине кельмек керек эди.

Юхан 18:35

– Не, мен еудийимми? Сени манъа Озь халкъынъ, Озь баш руханийлеринъ якъалап бердилер. Сен насыл иш яптынъ? – деди Пилат.

Фаалиет 2:23

Алла эвельден къарар чыкъаргъаны ве эвельден бильгени киби, Иса сатылгъан эди, ве сиз адалетсиз адамларнынъ къолунен Оны хачкъа мыхлап ольдюрдинъиз.

Фаалиет 3:13

Мына, Ибраимнинъ, Исхакънынъ ве Якъупнынъ Алласы, бабаларымызнынъ Алласы, Озюнинъ къулу Исаны юксельтип шерефледи. Сизлер Оны саттынъыз, Пилат Оны йибереджек олгъанда, онынъ огюнде Исадан ред эттинъиз.