Лука 16:10 - Мукъаддес Китап

¹⁰ Кучюк иште ишанчлы олгъан адам буюк иште де ишанчлы олур. Кучюк иште инсафсыз олгъан адам буюк иште де инсафсыз олур.

Лука 16:10 ပူးပေါင်းရင်းမြစ်များ

Матта 24:45

Ишанчлы ве акъыллы къул ким? Эфендиси оны эв къуллары устюнде башлыкъ этип, оларгъа керек вакътында ашларыны бермеге къойды.

Матта 25:21

Эфенди онъа: «Аферин! Сен яхшы ве садыкъ къул экенсинъ! Кучюк бир иште ишанчлы олгъанынъ ичюн, энди санъа буюк ишлер де берерим. Кель ве меним къуванчымны меннен боль!» – дей.

Матта 25:23

Эфенди онъа: «Аферин! Сен яхшы ве садыкъ къул экенсинъ! Сен кучюк бир иште ишанчлы олгъанынъ ичюн, энди санъа буюк ишлер де берерим. Кель ве меним къуванчымны меннен боль», – дей.

Лука 19:17

Падиша онъа: «Аферин! Сен яхшы къул экенсинъ! Кучюк иште ишанчлыкъ косьтергенинъ ичюн, шимди он шеэрнинъ укюмдары олурсынъ», – дей.

Юхан 12:6

Бу сёзлерни о фукъарелерге къайгъыргъаны ичюн дегиль, хырсыз олгъаны ичюн айтты. Онда ортакъ акъча къутусы эди, ве о къутугъа къоюлгъан паралардан озюне алып хырсызлай эди.

Юхан 13:2

Акъшамлыкъ ашы вакъты эди. Шейтан энди Симон Искариот огълу Иуданынъ юрегине Исаны сатмакъ ниетини къойгъан эди.

Юхан 13:27

Шу ань, Иуда питени алгъанынен, онынъ ичине Шейтан кирди. – Япаджагъынъны тез-тез яп, – деди онъа Иса.

Еудийлерге 3:2

Муса Алланынъ бутюн эвинде ишанчлы олгъаны киби, Эльчи де Оны ёллагъан Аллагъа ишанчлыдыр.