Лука 15:25 - Мукъаддес Китап

²⁵ Буюк огълу о вакъытта тарлада экен. Къайтып эвине якъынлашкъанда, чалгъы ве оюн-кулькю давушларыны эшите.

Лука 15:25 ပူးပေါင်းရင်းမြစ်များ

2 Падишалар 6:14

Давут, кетен эфод кийип, бар кучюнен РАББИнинъ огюнде ойнай эди.

Зебур 126:1

Эгер эвни РАББИ къурмаса, къуруджылар бошуна ишлер. Эгер шеэрни РАББИ къорчаламаса, къаравуллар бошуна юкъламайып турар.

Зебур 149:3

Оюнгъа тюшип Онынъ Адыны макътасынлар, даре ве сантыр чалып, Онъа йырласынлар!

Зебур 150:4

Даре чалып ве ойнап, Оны макътанъыз! Най ве телли алетлерде Оны макътанъыз!

Зебур 30:11

Мына, аятым къасеветтен азды, омюр йылларым агълай-агълай кечип кетти. Гуналарымдан такъаттан кесильдим, кемиклерим де къуруды.

Чыкъыш 15:20

Сонъ Харуннынъ татасы Мерьем пейгъамбер къолуна даре алды. Онынъ артындан эписи къадынлар, дарелерини алып, ойнап чыкътылар.

Джемаат башы 3:4

агъламакъ вакъты ве кульмек вакъты; матем тутмакъ вакъты ве ойнамакъ вакъты;

Йирмея 31:4

Сени кене къавийлештиририм, ве къавий олурсынъ, эй, Исраиль къызы! Кене къолунъа дарелерни аладжакъсынъ, къуванчнен ойнайджакъсынъ.

Лука 15:24

Меним бу огълум олю эди – тирильди, гъайып олды – тапылды», – дей. Сонъ олар байрам япа башлайлар.

Лука 15:26

Къулларындан бирини чагъырып, не олаяткъаныны сорай.

Лука 7:32

Олар, мейданда отурып, бир-бирине: «Биз сизге къавал чалдыкъ, сиз исе ойнамадынъыз. Биз такъмакълар окъудыкъ, сиз исе агъламадынъыз», – деп къычыргъан балаларгъа ошайлар.