Лука 15:22 - Мукъаддес Китап

²² Амма бабасы къулларына: «Тез олунъ, энъ яхшы урба кетирип, оны кийиндиринъиз, къолуна юзюк такъынъыз, аякъларына аякъкъап кийсетинъиз.

Лука 15:22 ပူးပေါင်းရင်းမြစ်များ

Башланув 41:42

Фыравун, озюнинъ къолундан юзюкни чыкъарып, Юсуфнынъ къолуна кийдирди. Устюне индже кетенден тикильген урбалар кийдирди, бойнуна алтын зынджыр такъты.

Эстер 3:10

О заман падиша къолундаки юзюгини чыкъарды ве агъагълы Хаммедатанынъ огълу Хамангъа, ехудалыларнынъ душманына берди.

Эстер 8:2

Падиша Хамандан къайтарып алгъан юзюгини пармагъындан чыкъарып, оны Мордекъайгъа берди. Сонъ Эстер Мордекъайны Хаманнынъ эвине бакъыджы япты.

Энъ яхшы йыр 7:1

– Къайт, къайт, Шуламмит, къайт, къайт, биз санъа бакъайыкъ. – Не ичюн Шуламмитке, Маханаим оюнына киби, бакъмагъа истейсинъиз?

Ешая 61:10

РАББИде буюк къуванч тападжагъым, Аллам ичюн джаным шенъленеджек. О манъа къуртулыш урбаларыны, инсафлыкъ урбасыны кийдирди. Киевге, руханийге киби, башыма сарыкъ къойды, бир келинни киби, ильванларнен безетти.

Лука 15:21

Огълу исе онъа: «Бабам, мен Коклер ве сенинъ алдынъда гуна яптым. Эндиден сонъ сенинъ огълунъ денильмеге ляйыкъ дегилим», – дей.

Лука 15:23

Сонъ, бесленген бир бузавчыкъны кетирип, союнъыз: ашайыкъ да къуванайыкъ.

Римлилерге 13:14

Эр биринъиз Месихнинъ табиатыны алдынъыз. Беденлеринъизни бакъкъанынъызда, беден истеклери сизге падишалыкъ этмесинлер.

Римлилерге 3:22

Алла Иса Месихке инангъан эр бир адамны оларнынъ иманы ичюн акълай. Ве бунда адамларнынъ арасында ич бир фаркъ ёкъ.

Римлилерге 8:15

Сизлер Алланынъ Рухуны алып, кене къоркъуда яшагъан къуллар олмадынъыз. Лякин сиз Рухуны алып, огъуллар олдынъыз. Бу Рухнен биз Аллагъа «Бабамыз!» деймиз.

Галатиядакилерге 3:27

Сизлер эпинъиз сувгъа батырылып чыкъкъанда, Месихке къошулдынъыз, ве эр биринъиз Месихнинъ табиатыны алдынъыз.

Эфеслилерге 6:15

аманлыкъ берген Къуванчлы Хаберни даркъатмакъ ичюн, аякъларынъызгъа азырлыкъ аякъкъапыны кийинъиз.

Къануннынъ текрары 33:25

Къапуларынъдаки мандаллары – демир ве бакъырдандыр, къудретинъ куньлеринъе тенъ оладжакъ.

Сырларнынъ ачылувы 19:8

Киймек ичюн келинге темиз, йылтыравукъ индже кетен урба берильди. (Индже кетен – азизлернинъ инсафлы ишлеридир.)

Сырларнынъ ачылувы 2:17

Рухнынъ иманлылар джемиетлерине айткъан лафларыны къулагъы олгъан эр бири эшитсин. Енъеджек адамгъа сакълангъан маннаны ашамагъа ёл берерим, оларгъа бир беяз ташны да берерим. Бу ташнынъ устюне янъы бир ад языладжакъ, оны ташны алгъан адамдан башкъа ич кимсе бильмез».

Сырларнынъ ачылувы 3:18

Санъа акъыл огретем: зенгинлешмек ичюн Менден атеште темизленген алтын сатын ал, айып чыплакълыгъынъны косьтермемек ичюн Менден беяз урба сатын ал ве корьмек ичюн козьге якъылгъан мелем сатын ал.

Сырларнынъ ачылувы 6:11

Оларнынъ эр бирине беяз урба берильди ве къыскъа бир вакъыт даа беклемеге керек олгъаны айтылды, чюнки озьлери киби ольдюриледжек Алланынъ къулларынынъ ве дин къардашларынынъ сайысы толу олмагъа керек эди.

Сырларнынъ ачылувы 7:9

Бундан сонъ бакъсам, буюк бир топлам, эр бир миллеттен, эр къабиледен, эр халкътан ве тиллерден олгъан, эсабына етип олмагъан адамлар тахтнынъ алдында, Къозунынъ огюнде тура эди. Эписи беяз урба кийип, къолларында пальма пытакъларыны тута эдилер.