Лука 15:10 - Мукъаддес Китап

¹⁰ Сизге айтам: тёвбе эткен бир гуналы ичюн Алланынъ мелеклери бойле де къуванаджакълар.

Лука 15:10 ပူးပေါင်းရင်းမြစ်များ

Ехезкель 18:23

Мен яман бир кишининъ олюмини истейимми, аджеба? – дей РАББИ-ТААЛЯ. – Ёкъ, Мен онынъ ярамай ёлундан чевириледжегини ве яшайджагъыны истейим.

Ехезкель 18:32

Мен кимсенинъ олюмини истемейим, – дей РАББИ-ТААЛЯ. – Тёвбе этинъиз де яшанъыз!

Ехезкель 33:11

Оларгъа шойле джевап бер: «Озюмнен ант этем, – дей РАББИ-ТААЛЯ. – Мен гунакярнынъ олюмини истемейим, амма онынъ ярамай ёлларындан къайтып, яшайджагъыны истейим. Къайтыныз! Озь яман ёлларынъыздан къайтынъыз! Исраиль халкъы, сиз ольмек керексинъизми?»

Матта 10:32

‌Мени адамларнынъ алдында таныгъан эр бир адамны Мен Коклердеки Бабамнынъ алдында таныйджам.

Матта 18:10

Бакъынъыз, бу кучюклерден бирисини биле ред этменъиз. Мен сизге айтам: оларнынъ мелеклери эр вакъыт Меним Коктеки Бабамнынъ огюнде туралар.

Матта 18:14

Ойле де Коклердеки Бабанъыз бу кучюклерден бирисининъ биле ольгенини истемей.

Лука 12:8

‌Сизге айтам: Мени адамларнынъ алдында таныгъан эр бир адамны Алланынъ мелеклери огюнде Инсан Огълу да таныйджакъ.

Лука 12:9

Амма Менден инсанлар алдында вазгечкен адамдан О, Алланынъ мелеклери огюнде вазгечеджек.

Лука 13:5

Сизге ёкъ дейим. Лякин тёвбе этмесенъиз, эпинъиз олар киби гъайып олурсыз, – деди.

Лука 15:11

Иса девам этип шойле деди: – Бир адамнынъ эки огълу бар экен.

Лука 15:7

Сизге догърусыны айтам: Коклерде де шойле. Докъсан докъуз тёвбеге мухтадж олмагъан инсафлылар ичюн къуванчтан, тёвбе эткен бир гуналы адам ичюн къуванч буюк оладжакъ, – деди.

Лука 15:9

Тапкъан сонъ исе, достларыны ве къомшуларыны чагъырып: «Меннен берабер къуванынъыз, мен джоюлгъан акъчамны таптым», – дер.

Лука 7:47

– Шунынъ ичюн Мен санъа айтам: онынъ чокъ гуналары багъышланды, чюнки онынъ севгиси буюк. Кимге аз багъышланса, о, аз севе.

Фаалиет 11:18

Бу сёзлерни эшитип, олар тынчландылар ве: – Алла башкъа миллетлерге де тёвбе этип эбедий аяткъа кирмеге разылыкъ берди, – деп Алланы алгъышладылар.

Фаалиет 5:19

Лякин гедже зинданнынъ къапуларыны Раббининъ мелеги ачты, эльчилерни тышарыгъа чыкъарды.

2 Коринтлилерге 7:10

Алланынъ истегине коре олгъан джан агърысы адамларны тёвбеге кетире, къуртулыш тапмагъа имкян бере. Дюньядаки шейлер акъкъында къасевет исе тек олюмни кетире.

Филимонгъа 1:15

Бельки Онисим шимди сенинъ янынъда эбедиен олсун деп, о сенден вакътынджа айырылгъандыр.

Еудийлерге 1:14

Мелеклернинъ эписи – тек хызмет эткен рухлардыр, олар къуртулышны аладжакъ адамларгъа хызмет этмек ичюн ёлланылгъандыр.