Лука 11:9 - Мукъаддес Китап

⁹ Мен сизге айтам: соранъыз – сизге бериледжек. Къыдырынъыз – тападжакъсыз. Такъырдатынъыз – сизге ачыладжакъ.

Лука 11:9 ပူးပေါင်းရင်းမြစ်များ

Зебур 118:5

Ах, низамнамелеринъни тутмагъа меним ёлларым баргъан олса эди!

Зебур 27:4

Оларнынъ ишлерине коре, яманлыкъларына коре, къоллары япкъанларына коре, къазангъанларына коре акъларыны бер!

Зебур 27:8

РАББИ – Озь халкъынынъ къудретидир; Озь сайлагъан падишаны О, къорчалар ве къуртарыр!

Зебур 34:10

Бутюн кемиклерим дейджек: «Я РАББИ, Сен эзильген адамны къуветлиден, ёкъсул ве фукъарени баскъынджыдан къуртарасынъ. Санъа ошагъан ким бар?»

Зебур 34:4

Джанымны къыдыргъанлар утансын ве масхара олсун. Манъа яманлыкъ истегенлер аркъагъа къайтсын, олар намусыны джойсунлар.

Зебур 50:15

Къанун бозгъанларгъа Сенинъ ёлларынъны огретеджегим, ве гунакярлар Санъа къайтып келеджеклер.

Энъ яхшы йыр 5:6

Къапуны севгилиме ачтым, амма севгилим кеткен эди! О, лаф эткенде, джаным ичимден чыкъа эди! Къыдырдым оны, амма тапалмадым, чагъырдым, амма о, джевап бермеди.

Ешая 45:19

Мен дегенде, ер юзюнинъ къаранлыкъ еринде гизли айтмадым. Якъупнынъ эвлятларына: «Мени бошуна къыдырасынъыз», – демедим. Мен – акъикъатны айткъан, догърусыны ачкъан РАББИдирим!

Йирмея 29:12

Мени чагъырып, Манъа дувалар этеджексинъиз, Мен де сизлерни эшитирим.

Йирмея 33:3

Мени чагъыр – джевабымны берерим, сен бильмеген аджайип гизли шейлерни косьтеририм.

Даниял 9:3

О вакъыт мен юзюмни Рабби-Таалягъа чевирдим, чувал безинден япылгъан урбаны кийип, кульде отурдым, аштан-сувдан вазгечтим, Аллагъа ялварып, дува окъудым.

Матта 21:22

Сизлер дува окъугъанда, ишанчнен не сорасанъыз, оны аладжакъсыз, – деди.

Матта 21:31

Экисинден къайсы бири бабасынынъ истегини беджере? Исагъа: – Биринджиси, – дедилер. О оларгъа: – Сизге догърусыны айтам: салым топлайыджылар ве ороспулар сизден эвель Алланынъ Падишалыгъына кирерлер, – деди.

Матта 6:29

Амма сизге шуны айтам: Сулейман биле озюнинъ бутюн шуретли улулыгъында бу чечеклернинъ бириси киби кийинмеген эди.

Марк 11:24

Шунынъ ичюн Мен сизге айтам: сиз дуваларынъызда не сорасанъыз, оны аладжагъынъызгъа инанынъыз ве истегинъиз ерине келир.

Марк 13:37

Сизлерге не айткъан олсам, эписине де шуны айтам: козь-къулакъ олунъыз!

Лука 11:10

Эр бир сорагъан ала, къыдыргъан тапа, такъырдаткъангъа къапуны ачалар.

Юхан 14:13

Меним Адымдан бир шей сорасанъыз, оны беджереджегим, ве Баба Огълунда шерефленеджек.

Юхан 15:16

Сиз Мени сайлагъанынъыз дегиль, сизни Мен Озюм сайладым, юрмеге ве гъайып олмайджакъ мейва бермеге тайин эттим. Шунынъ ичюн, Меним Адымдан Бабадан не истесенъиз, О, сизге береджек.

Юхан 15:7

Эгер сиз Менде къалсанъыз ве сёзлерим сизде къалса, истегенинъизни соранъыз, сизге бериледжек.

Юхан 4:10

Иса къадынгъа джевап берип: – Эгер сен Алланынъ бахшышыны ве «Манъа ичмеге сув берсе», дегенининъ ким олгъаныны бильсенъ, Ондан сен озюнъ сув истер эдинъ, ве О санъа тири сув берер эди, – деди.

Римлилерге 2:7

Яхшы ишлер эр вакъыт япып, шурет, урьмет ве эбедий яшайышны къыдыргъан адамларгъа эбедий омюрни береджек.

2 Коринтлилерге 6:2

Чюнки Алла шойле дей: «Келишикли вакъытта сени эшиттим, о куню санъа ярдым бердим, сени къуртардым». Мына энди келишикли вакъыт кельди! Мына энди къуртулыш куню кельди!

Еудийлерге 11:6

Адамнынъ иманы олмаса, Алланынъ разылыгъыны къазанмагъа мумкюн дегиль. Ким Аллагъа якъынлашмагъа истесе, Алланынъ бар олгъанына ве Оны къыдыргъанларгъа мукяфат бергенине инанмакъ керек.

Еудийлерге 4:16

Шунынъ ичюн, мераметли Алланынъ тахтына джесарет иле якъынлашайыкъ ве вакътында ярдым ве мерамет тапайыкъ.

Якъуп 1:5

Эгер биринъизнинъ икмети эксик олса, Алладан истенъиз, ве Алла сизге икмет берер. Алла опькелемейип, эписине боллукънен бере.

Якъуп 5:15

Иманнен окъулгъан дува хастаны тедавийлер, Рабби оны аякъкъа котерир. Эгер хаста гуна япкъан олса, Рабби оны багъышлар.

1 Юхан 3:22

ве Ондан нени сорасакъ, Ондан алырмыз, чюнки биз Онынъ эмирлерини беджерип, Оны мемнюн эткен ишлерни япамыз.

Сырларнынъ ачылувы 2:24

Къалгъанларынъызгъа исе, Тиатирада бу огретювге берильмегенлерге ве “Шейтан акъкъында терен огретювни” бильмегенлерге Мен бойле айтам: сизлерге башкъа юк бермем,