Лука 11:18 - Мукъаддес Китап

¹⁸ Эгер Шейтан озь ичинден болюнсе, онынъ падишалыгъы насыл тураджакъ? Сиз Меним акъкъымда: «О, джинлерни Беэльзебулнынъ къуветинен къувып чыкъара», – дейсиз.

Лука 11:18 ပူးပေါင်းရင်းမြစ်များ

Матта 10:25

Шегирт озюнинъ оджасы киби, хызметчи эфендиси киби олсалар, етерлик. Эгер эв саибини Беэльзебул адынен адландырсалар, эв сакинлери акъкъында даа бетер сёзлер айтмазлармы?

Матта 12:26

Эгер Шейтан Шейтанны къувып чыкъарса, о болюнип озь озюнен дженклеше. Сонъ онынъ падишалыгъы насыл тураджакъ?

Матта 4:10

Иса исе деди: – Козюмден ёкъ ол, Шейтан! Алланынъ Китабында бойле язылгъан: Раббинъе Алланъа белинъни бук, тек Онъа ибадет эт.

Матта 4:24

Онынъ шурети бутюн Суриеге даркъалды. Исанынъ алдына тюрлю хасталыкъларнен ве агъыр дертлернен чекишип юргенлерни, джин ургъанларны, паралич ургъанларны ве тутарыкъ хасталарыны кетире эдилер. Иса оларнынъ эписини тедавийлей эди.

Лука 11:15

Амма араларындан базылары: – О, джинлерни джинлер башлыгъы Беэльзебулнынъ къуветинен къувып чыкъара, – дедилер.