Лука 1:46 - Мукъаддес Китап

⁴⁶ Мерьем исе деди: – Меним джаным Раббини шуретлей!

Лука 1:46 ပူးပေါင်းရင်းမြစ်များ

Зебур 35:9

Олар Сенинъ эвинънинъ энъ яхшы берекетинден тоялар; Сен оларгъа татлы сувларынъдан ичмеге бересинъ.

Ешая 45:25

Исраильнинъ эписи эвлятларыны РАББИ акълайджакъ ве шуретлейджек.

Ешая 61:10

РАББИде буюк къуванч тападжагъым, Аллам ичюн джаным шенъленеджек. О манъа къуртулыш урбаларыны, инсафлыкъ урбасыны кийдирди. Киевге, руханийге киби, башыма сарыкъ къойды, бир келинни киби, ильванларнен безетти.

Римлилерге 5:11

ве, бундан гъайры, Иса Месихнинъ ярдымынен Алланынъ барышыгъыны тапып, Раббимизнинъ ярдымынен Алланен макътанаджакъмыз.

1 Коринтлилерге 1:31

Бойлеликнен, язылгъанына коре, макътангъан адам Раббинен макътансын.

2 Коринтлилерге 2:14

Аллагъа шукюрлер олсун! О, бизни эр вакъыт Месихнинъ тантаналы юрюшинде алып бараята ве эр ерде бизим ярдымымызнен Озь акъкъындаки бильгини, хош къокъуны киби, даркъата.

Филиплердекилерге 3:3

Биз – акъикъий сюннетмиз: Рухнынъ вастасынен Аллагъа ибадет этемиз, Иса Месихнен макътанамыз ве беден бельгилерине ишанмаймыз.

Филиплердекилерге 4:4

Раббиде олып, эр вакъыт къуванынъыз! Даа айтам: къуванынъыз!

1 Тессалоникелилерге 5:23

Аманлыкъ Алласы Озю сизлерни бутюнлей азиз этсин, ве, Раббимиз Иса Месих кельгенде, сизинъ рухунъыз, джанынъыз ве беденинъиз бус-бутюн олып, къабаатсыз сакълансынлар.

1 Пётр 1:8

Сиз Месихни корьмеген олсанъыз да, Оны севесинъиз. Шимди Месихни корьмейип, Онъа инанасынъыз ве сёзнен анълатып олмагъан шуретли бир къуванчнен севинесинъиз