Левийлилер 8:35 - Мукъаддес Китап

³⁵ Корюшюв Чадырынынъ кириши огюнден айырылмайып, еди кунь девамында гедже-куньдюз РАББИнинъ бекчилери олунъыз. Буны япмасанъыз, оледжексинъиз. Манъа бойле эмир берильген эди.

Левийлилер 8:35 ပူးပေါင်းရင်းမြစ်များ

3 Падишалар 2:3

Алланъ олгъан РАББИнинъ буюргъанларыны тут. Мусанынъ Къанунында язылгъаны киби, Алланынъ ёлларынен юр, Онынъ низамнамелерини, эмирлерини, укюмлерини эда эт ве шаатлыкъларыны тут. Сонъ не япсанъ да, къайда баш урсанъ да, акъылнен иш тутарсынъ.

Чыкъыш 29:35

Харуннен ве огъулларынен эписини тамам Мен санъа эмир эткеним дайын яп. Еди кунь девамында оларны руханий эт.

Ехезкель 43:25

Еди кунь девамында гуналар ичюн къурбан оларакъ эр кунь бирер теке кетир. Руханийлер эр кунь даа бирер яш къусурсыз бузавны ве бирер къусурсыз къочкъарны кетирсинлер.

Ехезкель 48:11

Бу пай Цадокъ союндан олгъан, азиз этильген руханийлерге багъышлангъандыр. Олар Меним хызметимде булундылар. Исраиллилер ёлдан урулгъанда, левийлилер де ёлдан урулдылар, Цадокънынъ огъуллары исе Менден вазгечмедилер.

Левийлилер 10:1

Харуннынъ огъуллары Надав ве Авиху эр бири озь комюр табагъыны алып, ичлерине атеш, атешнинъ устюне къокъулы отлар къойдылар. Сонъ РАББИнинъ огюне, Онынъ эмирине къаршы олгъан атешни кетирдилер.

Левийлилер 14:8

Темизленеджек адам урбаларыны ювсун, бутюн сачларыны тыраш этсин, сувнен ювунсын, ве сонъра темиз оладжакъ. Сонъ онынъ ордугъа кирмеге акъкъы оладжакъ, амма еди кунь о озь чадырындан тыш яшасын.

Левийлилер 8:30

Муса ягълав ягъыны ве къурбан ерининъ устюндеки бираз къанны алды, Харунгъа ве урбасына, огъулларына ве урбаларына септи. Бойле этип, Харунны ве урбаларыны, огъулларыны ве урбаларыны айырып азиз этти.

Левийлилер 8:34

Бугунь япылгъан эр шейни РАББИ буюрды. Олар – сизлер ичюн одемедир.

Левийлилер 8:36

Харун ве онынъ огъуллары РАББИ Мусанен бутюн буюргъанларыны беджердилер.

Сайылар 19:12

Учюнджи ве единджи куньлеринде о озюни темизлев сувунен элялласын ве о вакъыт элял оладжакъ. Эгер учюнджи ве единджи куньлери о озюни элялламаса, о элял олмайджакъ.

Сайылар 3:7

Олар Харун ве бутюн джемаат ичюн хызметлерини Корюшюв Чадырынынъ огюнде беджерсинлер, Мескен ичюн хызметлерини япсынлар

Сайылар 9:19

Булут Мескеннинъ устюнде девамлы вакъыт тургъанда, Исраиль огъуллары РАББИнинъ буюргъаныны динълей эдилер ве ёлгъа чыкъмай эдилер.

2 Коринтлилерге 7:1

Севимли дин къардашларым, Алладан бойле буюк сёзлерни алгъан сонъ, беденимизни ве рухумызны арам эткен эр бир шейден озюмизни темизлейик, Алладан къоркъып, бутюнлей азиз олайыкъ.

Къануннынъ текрары 11:1

Бойлеликнен, Алланъ олгъан РАББИни сев ве омюрбилля О буюргъан низамнамелерни, къарарларны ве эмирлерни тут.

1 Тимотейге 1:18

Огълум Тимотей, эвельден сенинъ акъкъынъда айтылгъан пейгъамберликлерни акъылда тутып, санъа буны буюрам: пейгъамберликлерге коре, яхшы аскер киби, дженк эт,

1 Тимотейге 5:21

Алланынъ огюнде, Иса Месихнинъ ве сайлангъан мелеклернинъ огюнде сени тенбиелейим: фаркъ этмейип, буларны бутюнлей сакъла, ич бир шейни айырмайып, эписини яп.

1 Тимотейге 6:13

Эписине омюр берген Алланынъ огюнде ве Понтий Пилаткъа Озь иманыны ачыкътан косьтерген Иса Месихнинъ огюнде санъа буюрам:

1 Тимотейге 6:17

Бу дюньядаки зенгин адамларгъа буны буюр: олар гъурурланмасын, келип-кеткен зенгинликке дегиль, Аллагъа умют багъласынлар. О, бизге эр шейни бизим кейфленювимиз ичюн бол-бол бере.

1 Тимотейге 6:20

Эй, Тимотей, санъа ишанып берильгенни сакълап тут. Бош алласыз лафлардан ве «бильги» адландырылгъан яланджы фикирлерден узакълаш.

2 Тимотейге 4:1

Сени Алланынъ огюнде ве падишалыкъ этмек ичюн келеджек, эм тирилерни, эм олюлерни суд этеджек Иса Месихнинъ огюнде тенбиелейим:

Еудийлерге 7:28

Къанунгъа коре, къуветсизликлери олгъан адамлар руханий ола эдилер. Амма Къанундан сонъ антнен берильген ваде къусурсыз Огълуны эбедиен баш руханий япты.