Левийлилер 8:13 - Мукъаддес Китап

¹³ Сонъ Муса Харуннынъ огъулларыны огге чыкъарып, устьлерине тюп урбаларны кийдирди ве беллерини къушакъларнен багълады, башларына сарыкълар багълады. Бу, РАББИнинъ Мусагъа буюргъаны эди.

Левийлилер 8:13 ပူးပေါင်းရင်းမြစ်များ

Чыкъыш 40:13

Харуннынъ устюне азиз урбаларыны кийдирип, оны ягънен ягълап, айырып азиз эт. О, руханий оларакъ Манъа хызмет этеджек.

Чыкъыш 40:16

Муса, РАББИ онъа насыл эмир эткен олса, эписини ойле де япты.

Ешая 61:10

РАББИде буюк къуванч тападжагъым, Аллам ичюн джаным шенъленеджек. О манъа къуртулыш урбаларыны, инсафлыкъ урбасыны кийдирди. Киевге, руханийге киби, башыма сарыкъ къойды, бир келинни киби, ильванларнен безетти.

Ешая 61:6

Сизлерге «РАББИнинъ руханийлери» дейджеклер, «Алланынъ хызметчилери» деп адланаджакъсынъыз. Халкъларнынъ байлыгъыны къулланаджакъсынъыз, оларнынъ шурети сизинъки оладжакъ.

Ехезкель 42:14

Руханийлер Азиз Ерге кирселер, олар хызмет эткенден сонъ, тышкъы азбаргъа чыкъмаздан эвель устюндеки урбаларыны чыкъармакъ ве анда къалдырмакъ кереклер, чюнки бу урбалар азиздир. Сонъ башкъа урбаларны кийип, олар халкъ олгъан ерге чыкъмакъ мумкюнлер.

Левийлилер 10:5

Олар бардылар ве, Мусанынъ буюргъанына коре, оларнынъ джесетлерини ордудан тышарыгъа чыкъардылар. Олар даа тюп урбаларында эдилер.

Левийлилер 8:21

Ич алетлерини ве аякъларыны сувнен ювды. Сонъ Муса бутюн къочкъарны къурбан ерининъ устюнде якъты. Бу – бутюнлей якъыладжакъ къурбандыр, атеште якъыладжакъ къурбан, РАББИге хош къокъудыр. Бу, РАББИнинъ Мусагъа буюргъаны эди.

1 Пётр 2:5

Озьлеринъизден, тири ташлардан киби, Алла рухий бинаны къура. Сонъ сиз, азиз руханийлер олып, Иса Месихнинъ ярдымынен Аллагъа хош кельген рухий къурбанларны кетиреджексинъиз.

1 Пётр 2:9

Амма сизлер – сайлангъан бир сой, падишалыкъ япкъан руханийлер, азиз миллет, Алла Озюнинъ халкъысынъыз. Сизлер Онынъ энъ гузель чизгилерини бильдиринъиз деп, Алла сизлерни къаранлыкътан Озюнинъ аджайип ярыгъына чагъырды.

Сырларнынъ ачылувы 1:6

ве бизни Алла Бабанынъ падишалары ве руханийлери япкъаны ичюн, Онъа эбедиен шан-шурет ве къудрет олсун! Амин.

Сырларнынъ ачылувы 5:10

Сен оларны Алламыз ичюн падиша ве руханий яптынъ, энди олар ер юзюнде падишалыкъ япаджакълар.