Левийлилер 4:29 - Мукъаддес Китап

²⁹ къолуны гуна ичюн къурбаннынъ башына къойсун, эчкини бутюнлей якъыладжакъ къурбанлар союлгъан ерде сойсун.

Левийлилер 4:29 ပူးပေါင်းရင်းမြစ်များ

4 Падишалар 12:16

Къабааты я да гунасы ичюн кетирильген кумюш РАББИнинъ Сарайына берильмей, оны руханийлер озюне ала эдилер.

2 Тарих вакъиалары 29:23

Сонъ гуналар ичюн къурбан чалмагъа, падишанынъ ве джемаатнынъ огюне текелерни алып кетирдилер. Олар къолларыны текелернинъ устюне къойдылар.

Левийлилер 1:11

Адам оны РАББИнинъ огюнде, къурбан ерининъ шималь тарафында сойсун, ве Харуннынъ огъуллары, руханийлер, онынъ къаныны къурбан ерининъ чевре-четине сепсинлер,

Левийлилер 1:4

бутюнлей якъыладжакъ къурбаннынъ башына къолуны къойсун. Къурбан адам ичюн одеме оларакъ къабул этиледжек.

Левийлилер 1:5

Сонъ адам бузавны РАББИнинъ огюнде сойсун. Харуннынъ огъуллары исе, руханийлер, бираз къаныны алып, Корюшюв Чадырынынъ кириши огюнде тургъан къурбан ерининъ чевре-четине сепсинлер.

Левийлилер 4:15

Джемаат акъсакъаллары РАББИнинъ огюнде бузавнынъ башына къолларыны къойсунлар ве РАББИнинъ огюнде оны сойсунлар.

Левийлилер 4:24

къолуны текенинъ башына къойсун, оны РАББИнинъ огюнде, бутюнлей якъыладжакъ къурбанларнынъ союлгъан еринде сойсун. Будыр – гуна ичюн къурбан.

Левийлилер 4:33

гуна ичюн къурбаннынъ башына къолуны къойсун, къойны бутюнлей якъыладжакъ къурбанлар союлгъан еринде сойсун.

Левийлилер 4:4

О бузавны Корюшюв Чадырынынъ киришине, РАББИнинъ огюне кетирсин, къолуны бузавнынъ башына къойсун да, оны РАББИнинъ огюнде сойсун.