Левийлилер 4:26 - Мукъаддес Китап

²⁶ Бутюн ич ягъыны, аманлыкъ къурбанынынъ ич ягъы дайын, къурбан ерининъ устюнде якъсын. Бойле этип, руханий башлыкъ ичюн одеме этер, ве о, багъышланыр.

Левийлилер 4:26 ပူးပေါင်းရင်းမြစ်များ

2 Тарих вакъиалары 29:24

Сонъ руханийлер оларны сойдылар ве, бутюн Исраильнинъ гуналары ичюн одеме этмеге, оларнынъ къанынен къурбан ерини темизледилер. Чюнки падиша бутюн Исраиль ичюн бутюнлей якъыладжакъ къурбанны ве гуналар ичюн къурбанны кетирмеге буюрды.

Ехезкель 43:22

Экинджи куню гуналар ичюн къурбан оларакъ бир къусурсыз теке кетир. Сонъ къурбан ери, бузавнынъ къанынен темизленгени киби, темизленсин.

Левийлилер 1:4

бутюнлей якъыладжакъ къурбаннынъ башына къолуны къойсун. Къурбан адам ичюн одеме оларакъ къабул этиледжек.

Левийлилер 12:8

Эгер бу къадын къойны кетирип оламаса, эки кийик гогерджинни я да эки гогерджин баласыны кетирсин. Биринджиси – бутюнлей якъыладжакъ къурбан, экинджиси – гуна ичюн къурбан олсун. Руханий онынъ ичюн одеме этсин, ве къадын темиз оладжакъ.

Левийлилер 14:18

Авучында къалгъан зейтюн ягъыны руханий темизленеджек адамнынъ башына къойсун ве РАББИнинъ огюнде онынъ ичюн одеме этсин.

Левийлилер 15:15

Руханий бирини гуна ичюн къурбан оларакъ, экинджисини исе бутюнлей якъыладжакъ къурбан оларакъ кетирсин. Бойле этип, руханий онынъ акъувы ичюн РАББИнинъ огюнде одеме этсин.

Левийлилер 17:11

Теннинъ джаны къандадыр. Мен оны сизге къурбан ери ичюн бердим, онен сизинъ джанларынъыз ичюн одеме этильсин. Бу къан джан ичюн одеме эте.

Левийлилер 19:22

Руханий РАББИнинъ огюнде къабаат къочкъарынынъ ярдымынен акъай ве онынъ япкъан гунасы ичюн одеме этсин. Сонъ о адам япкъан гуна багъышланыр.

Левийлилер 3:5

Харуннынъ огъуллары шуларны къурбан еринде, янгъан одунларда бутюнлей якъыладжакъ къурбаннен берабер якъсынлар. Будыр – атеште бутюнлей якъыладжакъ къурбан, РАББИге хош къокъудыр.

Левийлилер 4:19

Бутюн ич ягъыны чыкъарсын ве оны къурбан еринде якъсын.

Левийлилер 4:20

Гуна ичюн бузавнен япылгъан шейлерни шу бузавнен япсын. Руханий бойле япмакъ керек. Бойле этип, руханий олар ичюн одеме этер, ве олар багъышланырлар.

Левийлилер 4:31

Бутюн ич ягъыны, аманлыкъ къурбанындан айырылгъаны киби, айырсын, руханий оны къурбан ерининъ устюнде якъсын, ве о, РАББИге хош къокъу олсун. Бойле этип, руханий шу адам ичюн одеме этер, ве о, багъышланыр.

Левийлилер 4:35

Бутюн ич ягъыны, аманлыкъ къурбаны олгъан къойдан айырылгъаны киби, айырсын да, руханий оны къурбан ерининъ устюнде РАББИге якъыладжакъ къурбан оларакъ якъсын. Бойле этип, руханий онынъ гунасы ичюн одеме этер, ве о, багъышланыр.

Левийлилер 5:10

Экинджисини, низамнаме боюнджа, бутюнлей якъыладжакъ къурбан оларакъ кетирсин. Бойлеликнен, руханий онынъ япкъан гунасы ичюн одеме этер, ве о, багъышланыр.

Левийлилер 5:13

Бойле этип, руханий онынъ насылдыр айтылгъан гуна япкъаны ичюн одеме этер, ве о, багъышланыр. Къалгъан богъдай уну, ашлыкъ бахшышы киби, руханийге къалсын.

Левийлилер 5:16

О, бозгъан мукъаддес шей ичюн акъкъыны берсин, бу одевнинъ беш пайында бир пайыны къошсун ве руханийге берсин. Руханий къабаат ичюн къурбанлыкъ къочкъарынен онынъ ичюн одеме этер, ве о, багъышланыр.

Левийлилер 5:18

О адам сен кескен фиятынъа коре къабаат ичюн къурбан оларакъ къусурсыз къочкъарны алып, руханийге кетирсин. Руханий онынъ бильмейип япкъан къабааты ичюн одеме этер, ве о, багъышланыр.

Левийлилер 6:7

Руханий онынъ ичюн РАББИнинъ огюнде одеме этер, ве о, къабаат ишлеп эр бир япкъан шейинде багъышланыр.

Сайылар 15:25

Руханий бутюн Исраиль огъулларынынъ джемааты ичюн одеме этсин, ве халкъ багъышланаджакъ. Бу – янълыш эди ве бу янълыш ичюн олар РАББИге атеште якъыладжакъ бахшышларны ве гуналары ичюн къурбанны кетирдилер.

Сайылар 15:28

Сонъ янъылып гуна япкъан адамнынъ гунасы ичюн руханий РАББИнинъ огюнде одеме этсин. Одеме этильген сонъ, шу адам багъышланаджакъ.