Левийлилер 4:15 - Мукъаддес Китап

¹⁵ Джемаат акъсакъаллары РАББИнинъ огюнде бузавнынъ башына къолларыны къойсунлар ве РАББИнинъ огюнде оны сойсунлар.

Левийлилер 4:15 ပူးပေါင်းရင်းမြစ်များ

2 Тарих вакъиалары 29:23

Сонъ гуналар ичюн къурбан чалмагъа, падишанынъ ве джемаатнынъ огюне текелерни алып кетирдилер. Олар къолларыны текелернинъ устюне къойдылар.

Чыкъыш 24:1

РАББИ Мусагъа бойле деди: – Харунны, Надавны, Авихуны ве Исраильнинъ етмиш акъсакъалларыны янынъа алып, РАББИге котериль. РАББИге узакътан ибадет этинъиз.

Чыкъыш 24:9

Сонъ Муса, Харун, Надав, Авиху ве Исраильнинъ етмиш акъсакъалы байыргъа котерильдилер ве

Левийлилер 1:3

Эгер адамнынъ бутюнлей якъыладжакъ къурбаны туварлардан олса, эр бир адам къурбан оларакъ къусурсыз эркек айванны кетирсин. РАББИнинъ разылыгъыны къазанмакъ ичюн, айванны Корюшюв Чадырынынъ киришине кетирип,

Левийлилер 1:4

бутюнлей якъыладжакъ къурбаннынъ башына къолуны къойсун. Къурбан адам ичюн одеме оларакъ къабул этиледжек.

Левийлилер 16:21

Харун тири текенинъ башына къолларыны къойсун ве онынъ устюнден Исраиль огъулларынынъ бутюн къабаатларыны, джинаетлерини, гуналарыны айтсын ве оларнынъ эписини текенинъ башына юклесин. Сонъ бу иш ичюн айырылгъан бир адамнен бу текени сахрагъа йиберсин.

Левийлилер 4:16

Сонъ ягънен сюртюльген руханий бузавнынъ бираз къаныны Корюшюв Чадырына кирсетсин.

Левийлилер 4:4

О бузавны Корюшюв Чадырынынъ киришине, РАББИнинъ огюне кетирсин, къолуны бузавнынъ башына къойсун да, оны РАББИнинъ огюнде сойсун.

Левийлилер 8:14

Сонъра Муса гуна ичюн къурбан оларакъ бузавны кетирди. Харун ве онынъ огъуллары гуна ичюн къурбанлыкъ бузавнынъ башына къолларыны къойды.

Левийлилер 8:18

Сонъ Муса бутюнлей якъыладжакъ къурбан оларакъ къочкъарны кетирди. Харун ве онынъ огъуллары къолларыны къочкъарнынъ башына къойды.

Левийлилер 8:22

Сонъ Муса башкъа, азиз этюв къочкъарыны алып кетирди. Харун ве онынъ огъуллары къолларыны къочкъарнынъ башына къойды.

Сайылар 11:16

РАББИ Мусагъа бойле деди: – Исраиль акъсакъалларындан 70 акъайны, сен бильген акъсакъалларны ве башлыкъларны топла. Оларны Корюшюв Чадыры янына кетир, ве анда сеннен берабер турсунлар.

Сайылар 11:25

Сонъ РАББИ булутнынъ ичинде энди ве Мусанен лакъырды этти. Мусанынъ устюндеки Рухтан алып, 70 акъсакъалгъа берди. Рух оларнынъ устюне энгенде, олар пейгъамберлик этип башладылар, амма ондан сонъ пейгъамберлик этмедилер.

Сайылар 8:10

Левийлилерни РАББИнинъ огюне къой, ве Исраиль огъуллары къолларыны устьлерине къойсунлар.

Сайылар 8:12

Левийлилер озь къолларыны бузавларнынъ башларына къойсунлар, ве сен левийлилер ичюн одеме этмеге, бир бузавны гуналар ичюн къурбан оларакъ чал, экинджисини исе РАББИге бутюнлей якъыладжакъ къурбан оларакъ чал.