Левийлилер 27:27 - Мукъаддес Китап

²⁷ Эгер айван арам айванлардан олса, бильдирильген къыйметке къыйметнинъ беште бир пайыны къошып, оны сатын алмагъа керек. Адам айванны сатын алмаса, оны бильдирильген къыйметинъе башкъа адамгъа сатмакъ керек.

Левийлилер 27:27 ပူးပေါင်းရင်းမြစ်များ

Левийлилер 27:11

Эгер адакъ РАББИге къурбан чалынмайджакъ арам айванлардан бири олса, оны руханийге косьтермек керек.

Левийлилер 27:13

Лякин бир адам айванны къайтарып сатын алмагъа истесе, бильдирильген къыйметке къыйметнинъ беште бир пайыны къошып тёлесин.

Левийлилер 27:15

Адакъ берген адам озь эвини къайтарып сатын алмагъа истесе, бильдирильген къыйметке къыйметнинъ беште бир пайыны къошып тёлесин. Сонъ эв онынъки олсун.

Левийлилер 27:26

Биринджи догъгъан айванларны адакъ оларакъ багъышламагъа олмаз. Биринджи догъгъанлар – РАББИнинъдир. Бузав оламы, къозу-улакъ оламы, о эп бир РАББИнинъдир.

Левийлилер 27:28

РАББИге багъышлангъан ич бир шейни, бир адам озь мал-мулькюнден РАББИге айырып берген ич бир шейни – адам оламы, айван оламы, топракъ пайынынъ тарласы оламы – сатмагъа ве сатын алмагъа олмаз. Эр айырылып багъышлангъан шей – РАББИнинъ улу азизлигидир.

Левийлилер 27:31

Бир кимсе онда бир пайыны сатын алмагъа истесе, онынъ къыйметине беште бир пайыны къошып тёлесин.

Левийлилер 5:16

О, бозгъан мукъаддес шей ичюн акъкъыны берсин, бу одевнинъ беш пайында бир пайыны къошсун ве руханийге берсин. Руханий къабаат ичюн къурбанлыкъ къочкъарынен онынъ ичюн одеме этер, ве о, багъышланыр.