Левийлилер 25:37 - Мукъаддес Китап

³⁷ Онъа кумюш бергенде, фаиз алма, отьмегинъни саткъанда, кяр къыдырма.

Левийлилер 25:37 ပူးပေါင်းရင်းမြစ်များ

Ешая 24:2

Эм халкъкъа, эм руханийлерге, эм къулгъа, эм эфендисине, эм хызметчи къызына, эм онынъ саибесине, эм сатын алгъангъа, эм саткъангъа, эм борджкъа алгъангъа, эм борджкъа бергенге, параны фаизге эм алгъангъа, эм бергенге бир беля келеджек.

Йирмея 15:10

Вай-вай-вай! Башыма беля! Ах, анам! Сен мени догъып, давалашкъан адам олдым, бутюн ернен къавгъалаштым! Не борджкъа бердим, не борджкъа алдым, лякин мени эр кес къаргъай.

Ехезкель 22:12

Сенде яшагъанлар къан тёкмек ичюн, къапарларны берелер. Сен файдасы ичюн пара бересинъ, пара бергенде, фаиз истейсинъ, якъынынъны зорлап, ондан акъча тутып аласынъ. Мени исе сен къалдырдынъ, – дей РАББИ-ТААЛЯ.

Левийлилер 25:36

Ондан фаиз ве кяр алма. Алланъдан къоркъ, агъа-къардашынъ янынъда яшасын.

Левийлилер 25:38

Мен – РАББИм, сизинъ Алланъыз. Мен сизни Мысыр топрагъындан алып чыкъардым, Ханаан топрагъыны сизге бермеге ве Алланъыз олмагъа истедим.