Левийлилер 25:10 - Мукъаддес Китап

¹⁰ 50-нджи йылыны азиз этинъиз ве топрагъынъызда эписи яшагъанларгъа азатлыкъны беринъиз. О йыл сиз ичюн юбилей йылы олсун. Эр биринъиз озь топракъ пайына ве озь союна къайтынъыз.

Левийлилер 25:10 ပူးပေါင်းရင်းမြစ်များ

Узеир 1:3

Араларынъызда Онынъ халкъындан ким олса, Алласы РАББИ онен олсун, Ехудадаки Ерусалимге кетсинлер, Исраиль Алласы РАББИнинъ Сарайыны къурсунлар, Ерусалимде олгъан Алла ичюн къурсунлар.

Зебур 146:7

РАББИге тешеккюр йырланъыз, Алламызгъа сантыр чалынъыз!

Чыкъыш 20:2

– Мен – РАББИм, сенинъ Алланъдырым. Мен сени Мысыр топрагъындан, сен къуллукъ эткен ерден алып чыкътым.

Ешая 49:9

зинданда яткъанларгъа: «Чыкъынъыз», къаранлыкъта отургъанларгъа: «Корюнинъиз», – дейджегим. Ёллар бою айванларыны бакъаджакълар, эр тёпелеринде отлакълары оладжакъ.

Ешая 63:4

Джеза кунюни тайинледим, халкъымны сатын алып, къуртараджакъ йылы кельди.

Йирмея 34:10

Эписи башлыкълар ве бутюн халкъ бунъа разылыкъ бердилер, шартнамени къабул эттилер, эр бири озь къулларыны азатлыкъкъа йибердилер, бир даа оларны къул этип тутмадылар. Разылыкъ бердилер ве йибердилер.

Йирмея 34:8

РАББИден Йирмеягъа хабер кельди. О заман Цидкия падиша Ерусалимдеки бутюн халкънен азатлыкъ шартнамесини тизди.

Ехезкель 46:17

Эгер де ёлбашчы озь топрагъындан къулларынынъ бирине бир пай берсе, шу пай тек азат этильген йылынадже онынъ къолунда къаладжакъ, сонъра исе ёлбашчыгъа къайтаджакъ. Ёлбашчынынъ топракъ пайы тек огъулларына кечмек мумкюн.

Левийлилер 25:11

50-нджи йыл сизде юбилей йылы олсун. Ич бир шей сачманъыз ве озю-озюнден оськен берекетни джыйманъыз, пыталмагъан юзюмнинъ салкъымларыны джыйманъыз.

Левийлилер 25:13

Бу юбилей йылында эпинъиз озь топракъ пайларынъызгъа къайтынъыз.

Левийлилер 25:41

О вакъыт исе балаларынен берабер янынъдан кетсин ве озь союна, деделерининъ топрагъы пайына къайтсын.

Левийлилер 25:54

Эгер бу адам бойле этип, озюни къайтарып сатын алмаса, юбилей йылында балаларынен берабер азат оладжакъ.

2 Коринтлилерге 3:17

Рабби – Рухтыр. Раббининъ Руху къайда олса, о ерде азатлыкъ бар.

Галатиядакилерге 4:25

Хагъар – Арабистандаки Синай дагъыдыр, о, шимдики Ерусалимге тенъдир, чюнки Ерусалим ве онынъ балалары шимди къуллукътадыр.

Галатиядакилерге 5:13

Агъа-къардашлар, сизлер азатлыкъкъа чагъырылгъан эдинъиз. Тек бу азатлыкъ беден истеклерини беджереджегине себеп олмасын, лякин бири-биринъизге севгинен хызмет этинъиз.

1 Пётр 2:16

Азат адамлар киби яшанъыз, амма азатлыкъ астында сакъланып, яманлыкъ этменъиз, Алланынъ къуллары киби яшанъыз.