Левийлилер 24:9 - Мукъаддес Китап

⁹ Пителер Харуннынъ ве онынъ огъулларынынъки олсун. Олар пителерни азиз ерде ашасынлар. РАББИнинъ бахшышларындан бу оларгъа улу азизликтир. Бу, эбедий низамнамедир.

Левийлилер 24:9 ပူးပေါင်းရင်းမြစ်များ

Чыкъыш 27:21

Харун ве онынъ огъуллары Корюшюв Чадырында, Шаатлыкъ Сандыгъыны сакълагъан перденинъ огюнде, РАББИнинъ огюнде къандильни акъшамдан сабагъадже якъсынлар. Бу исраиллилерге ве оларнынъ эвлятларына эбедий низамнамедир.

Левийлилер 10:12

Муса Харунгъа ве онынъ къалгъан эки огълу Элазаргъа ве Итамаргъа бойле деди: – РАББИнинъ атеште якъыладжакъ бахшышларындан къалгъан ашлыкъ бахшышыны алынъыз да, такос пителерни къурбан ерининъ янында ашанъыз. Бу – улу азизликтир.

Левийлилер 10:17

– Не ичюн сиз гуна ичюн къурбанны азиз ерде ашамадынъыз? – деп сорады о. – Бу – улу азизликтир. Онынъ ярдымынен сизлер РАББИнинъ огюнде джемаатнынъ гуналарыны чыкъармакъ ве олар ичюн одеме этмек керексинъиз.

Левийлилер 21:22

Азизликлерден ве энъ буюк азизликлерден олгъан Алланынъ къурбанлыкъ ашыны о, ашамакъ мумкюн.

Левийлилер 24:10

Бир исраилли къадыннынъ ве мысырлы акъайынынъ бир огълу бар эди. О, исраиллилернинъ ордусына келип, бир исраилли акъайнен къавгъа этти.

Левийлилер 3:17

Бу – несиллеринъизге, бутюн яшагъан ерлеринъизде эбедий низамнамедир. Ич бир тюрлю ич ягъыны ве бир тюрлю къанны ашаманъыз-ичменъиз.

Левийлилер 6:11

Сонъ устюндеки урбаларыны чыкъарсын ве башкъа урба кийсин, сонъ кульни ордудан тыш, темиз ерге алып кетирсин.

Левийлилер 6:16

Къалгъаныны Харун ве онынъ огъуллары ашасынлар. Оны азиз ерде, Корюшюв Чадырынынъ азбарында такос пите киби ашамакъ керек.

Левийлилер 6:9

– Харунгъа ве онынъ огъулларына бойле эмир эт: Мына бутюнлей якъыладжакъ къурбан акъкъында къанун. Бутюнлей якъыладжакъ къурбан якъылгъан ерде, къурбан ерининъ устюнде бутюн гедже сабагъадже къалсын, къурбан ерининъ атеши де сёнмесин.

Левийлилер 8:3

бутюн джемаатны Корюшюв Чадырынынъ кириши янына топла.

Левийлилер 8:31

Муса Харунгъа ве онынъ огъулларына бойле деди: – Корюшюв Чадырынынъ кириши янында этни пиширинъиз ве анда азиз этюв сепетиндеки пителернен берабер ашанъыз. Манъа: «Харун ве огъуллары оны ашасын», – деген эмир берильген эди.

Малакий 1:12

– «Раббиге кетирильген къурбанлар бир шей дегиль, бахшышлардан кельген файда да олмайджакътыр», – деп, сиз РАББИнинъ Адыны яманлайсынъыз.

Матта 12:4

– Алланынъ Эвине кирип, Давут озю ве янындакилери тек руханийлерге ашамагъа мумкюн олгъан теклиф пителерини ашагъанлар.

Марк 2:26

Авиатар баш руханий олгъан заманда Давут Алланынъ Эвине кирип, тек руханийлерге ашамагъа мумкюн олгъан теклиф пителерини ашагъан ве адамларына да берген.

Лука 6:4

О, Алланынъ Эвине кирип, тек руханийлерге ашамагъа мумкюн олгъан теклиф пителерини алып, озю ашагъан ве янындакилерине де берген, – деп джевап берди.

1 Падишалар 21:6

Руханий онъа азиз отьмеклерни берди, чюнки РАББИнинъ булунувыны косьтерген пителерден башкъа отьмек ёкъ эди. Олар РАББИнинъ огюнден алынгъан эдилер, оларнынъ ерине исе энди сыджакъ отьмеклер къоюлгъан эди.