Левийлилер 23:42 - Мукъаддес Китап

⁴² Еди кунь чалашларда яшанъыз. Бутюн ерли исраиллилер чалашларда яшасын.

Левийлилер 23:42 ပူးပေါင်းရင်းမြစ်များ

Башланув 33:17

Якъуп исе Сукъкъоткъа ёл алды. Анда о, озюне эв къурды, айванларына чалашлар япты. Онынъ ичюн бу ернинъ адыны Сукъкъот деп къойдылар.

Йирмея 35:10

Бизлер чадырларда яшаймыз, Ёнадав бабамызнынъ буюргъанларыны динълеп, беджеремиз.

Хошеа 12:10

Мен пейгъамберлернен лаф эттим, Мен Озюм чокъ руя оларгъа косьтердим, пейгъамберлернен кинаели икяелерни айттым.

Хошеа 12:9

Амма Мен, Мысырдан башлап, – сенинъ Алланъ олгъан РАББИм, байрам куньлеринде киби, сени бир даа чадырларда ерлештиреджегим.

Левийлилер 23:34

– Исраиль огъулларына бойле айт: Айны единджи айнынъ 15-инджи куню Чалашлар Байрамы олсун. Еди кунь девамында РАББИ ичюн байрам япынъыз.

Левийлилер 23:41

Эр йыл еди кунь девамында РАББИнинъ бу байрамыны япынъыз. Бутюн яшагъан ерлеринъизде сизинъ эписи несиллеринъизге бу – эбедий низамнамедир. Байрамны единджи айда япынъыз.

Сайылар 24:2

Белам бакъты ве Исраильнинъ къабиле-къабиле ерлешкенини корьди. Онъа Алланынъ Руху энди.

Сайылар 24:5

Эй, Якъуп, чадырларынъ не гузель! Эй, Исраиль, сенинъ яшагъан ерлеринъ не гузель!

2 Коринтлилерге 5:1

Биз билемиз ки, бу дюньядаки эвимиз, биз яшагъан чадырымыз йыкъылгъан сонъ, Алла бизге коклерде эбедий бир эв, къолнен япылмагъан эвни береджек.