Левийлилер 22:24 - Мукъаддес Китап

²⁴ Йымырталары эзильген, зарарлангъан, узюльген я да кесильген айванны РАББИге къурбан оларакъ кетирменъиз. Топрагъынъызда буны япманъыз.

Левийлилер 22:24 ပူးပေါင်းရင်းမြစ်များ

Левийлилер 21:20

не къамбыр, не карлик, не козюнде акъы олгъан, не иринлеген ярасы олгъан, не мараз бурьтюк тёкюлюви олгъан, не де йымырталары зарарлангъан адам.

Левийлилер 22:20

Къусуры олгъан айванны кетирменъиз, чюнки о, сиз ичюн къабул этильмез.

Левийлилер 22:23

Бузав я да къозунынъ мучелери зияде узун я да зияде къыскъа олса, бойле айванны озь истегинен кетирильген къурбан оларакъ кетирмек мумкюн. Лякин адакъ къурбаны оларакъ о, къабул олунмаз.

Къануннынъ текрары 23:1

Кимнинъ йымырталары эзильген я да чумийи кесильген олса, онъа РАББИнинъ джемаатына кирмеге олмаз.