Левийлилер 22:21 - Мукъаддес Китап

²¹ Адагъы я да истегине коре РАББИге аманлыкъ къурбаныны кетиргенде, эр бир адам айванны тувардан я да къой-эчкилерден кетирсин. Къабул олунмакъ ичюн, айван къусурсыз олсун. Айваннынъ бир тюрлю беден эксиклиги олмасын.

Левийлилер 22:21 ပူးပေါင်းရင်းမြစ်များ

Башланув 28:20

Сонъ Якъуп бойле сёз берди: – Эгер Алла меним янымда олса, кеткен ёлумда мени къорчаласа, ашамакъ ичюн отьмек ве киймек ичюн урба берсе,

Зебур 50:14

Къуртарувынънен кельген къуванчны манъа къайтарып бер. Сени динълемеге истекни рухума берип, мени къуветлештир.

Чыкъыш 35:29

Бойлеликнен, эписи юреклери тарткъан исраилли акъайларнен апайлар, Муса ярдымынен РАББИ япмагъа эмир эткен эр бир ишке, озь истегинен даа чокъ бахшышлар РАББИге кетирдилер.

Икметли сёзлер 7:14

«Аманлыкъ къурбанларымны чалдым, адагъымны мен бугунь ерине кетирдим.

Левийлилер 22:22

Кёр, аягъы сындырылгъан, сакъат, хаста, ярасы иринли олгъан я да мараз бурьтюк тёкюлюви олгъан айванны РАББИге кетирменъиз, оларны РАББИге къурбан еринде якъыладжакъ къурбанлар оларакъ берменъиз.

Левийлилер 3:1

Бир адам тувардан аманлыкъ къурбаныны кетиргенде, РАББИнинъ огюне къусурсыз эркек я да ыргъачы айванны кетирсин.

Левийлилер 3:6

Бир адам къой-эчкилерден аманлыкъ къурбаныны РАББИге кетиргенде, къусурсыз эркек я да ыргъачы айванны кетирсин.

Сайылар 15:3

туварларны я да къой-эчкилерни къурбан чалынъыз, къурбанларны – бутюнлей якъыладжакъ къурбан, адакъ къурбаны, озь истегинен берильген къурбан, я да байрам къурбаны – атеште якъып, РАББИге багъышланъыз ве РАББИ ичюн гузель къокъу чыкъарынъыз.

Сайылар 15:8

Бутюнлей якъыладжакъ къурбан, адакъ къурбаны я да аманлыкъ къурбаны оларакъ бир бузавны РАББИге кетиргенде,