Левийлилер 22:18 - Мукъаддес Китап

¹⁸ – Харунгъа, онынъ огъулларына ве бутюн Исраиль огъулларына бойле айт: Исраиллилерден я да араларында яшамакъ ичюн ерлешкен кельмешеклерден бир кимсе насылдыр адагъы я да истегине коре РАББИге бутюнлей якъыладжакъ къурбанны кетиргенде,

Левийлилер 22:18 ပူးပေါင်းရင်းမြစ်များ

2 Тарих вакъиалары 31:14

Йимнанынъ огълу Къорэ, левийли, шаркъ тарафында тургъан къапуджы, Аллагъа озь истегинен кетирильген бахшышлар ичюн джевапкяр эди. О, РАББИге кетирильген шейлерни ве энъ азиз багъышлангъан шейлерни дагъыта эди.

Зебур 56:12

Эй, Алла, коклерден де юкъарыгъа чыкъ, шуретинъ бутюн ер юзюни къапласын!

Зебур 61:5

Оны юкъарыдан тюшюрмеге истедилер, ялан лафларны ортагъа къойдылар. Оларнынъ агъзындан хайыр дувасы тёкюле, лякин юреклеринде олар лянетлер окъуйлар. Сэла

Зебур 61:8

Къуртулышым ве шуретим Алладан келир; Алла – къудретли къаям, меним сакълангъан ерим.

Зебур 65:1

Эй, бутюн ер юзю, Аллагъа къуванчнен къычырынъыз!

Чыкъыш 12:5

Айван сизде къусурсыз, эркек ве бир яшлы олмакъ керек. Оны къозулардан я да улакълардан алынъыз.

Джемаат башы 5:4

Адакъ берип де, оны беджермемектен адакъ бермемек яхшыдыр.

Левийлилер 1:10

Эгер адамнынъ къурбаны уфакъ айванлардан олса, о, къойлардан я да эчкилерден олсун. Бутюнлей якъыладжакъ къурбан къусурсыз эркек айван олмакъ керек.

Левийлилер 1:2

– Исраиль огъулларына бойле айт: Аранъыздан биринъиз РАББИге айванларынъыздан къурбан чалгъанда, тувардан я да къой-эчкилерден къурбан чалынъыз.

Левийлилер 17:10

Эгер Исраиль халкъындан я да араларында яшагъан кельмешеклерден бирев насылдыр къан ашаса, Мен къан ашагъан адамнынъ къаршысына чыкъаджагъым ве оны халкъ арасындан ёкъ этеджегим.

Левийлилер 17:13

Исраиль огъулларындан я да аранъызда яшагъан кельмешеклерден бир адам авда ашамагъа мумкюн олгъан кийик айванны я да къушны туткъанда, къаныны топракъкъа акъызсын ве оны топракънен къапатсын.

Левийлилер 22:17

РАББИ Мусагъа бойле деди:

Левийлилер 23:38

Буларны РАББИнинъ раатлыкъ куньлеринден айры, башкъа бахшышларынъыздан айры, адакъ бахшышларынъыз ве озь истегинен берильген бахшышларынъыздан айры РАББИге кетиринъиз.

Левийлилер 7:16

Бир адам адакъ оларакъ я да озь истегинен къурбан кетиргенде, бу къурбанны о кетирильген куню ашамакъ керек, ве эртеси куню къалгъаныны ашамакъ мумкюн.

Амос 4:5

Шукюр бахшышы оларакъ экши хамырдан пишкен пителерни якъынъыз, озь истегинен кетирген бахшышларынъыз акъкъында эр кеске айтынъыз! Сиз буны пек севесинъиз, эй, Исраиль огъуллары! – дей РАББИ-ТААЛЯ.

Юнус 1:16

Буны корьген адамлар РАББИден пек къоркътылар, Онъа къурбан чалып, адакълар ададылар.

Юнус 2:9

Бош шейлерге инангъан адамлар Санъа садыкълыгъыны унуттылар.

Нахум 1:15

Мына, къуванчлы хаберни бильдиреяткъан, тынчлыкъ-аманлыкъны илян эткен адам дагълардан кечер. Эй, Ехуда! Байрамларынъны яп ве адакъларынъны беджер; ярамай адам сенинъ топрагъынъдан бир даа кечмейджек, о, бутюнлей ёкъ этиледжек.

Малакий 1:14

– Бир адамнынъ сюрюсинде бутюнлей сагъ айван олгъанда, о, адакъ берсе ве сагъ айваннынъ ерине хаста айванны къурбан оларакъ Раббиге кетирсе, шу яланджы лянет олсун! Мен – улу Падишам, – дей Ордуларнынъ РАББИси. – Халкълар Меним Адымдан къоркъсунлар.

Сайылар 15:3

туварларны я да къой-эчкилерни къурбан чалынъыз, къурбанларны – бутюнлей якъыладжакъ къурбан, адакъ къурбаны, озь истегинен берильген къурбан, я да байрам къурбаны – атеште якъып, РАББИге багъышланъыз ве РАББИ ичюн гузель къокъу чыкъарынъыз.

Фаалиет 18:18

Павел даа баягъы вакъыт шеэрде къалгъанындан сонъ, дин къардашларынен сагълыкълашып, Акила ве Прискилланен берабер Суриеге кеткен гемиге минди. Адакъ бергенине коре, Кенхрея шеэринде сачларыны къыркътыргъан эди.

Къануннынъ текрары 12:17

Ашлыгъынънынъ, шарабынънынъ, зейтюн ягъынънынъ он пайда бир пайыны, туварларнынъ ве къой-эчкилерининъ биринджи несилини, эписи ваде эткен адакъларынъны, озь истегинънен берген бахшышларынъны ве шахсий бахшышларынъны яшагъан ерлеринъде ашамагъа олмаз.

Къануннынъ текрары 12:6

Анда къурбан этип, айванларны бутюнлей якъынъыз, башкъа къурбанларынъызны чалынъыз, махсулларынъыздан он пайда бир пайыны кетиринъиз, шахсий бахшышларынъызны беринъиз, адакъларынъызны япынъыз, озь истегинъиз боюнджа бахшышларынъызны, туварлар ве къой-эчкилеринъизнинъ биринджи несилини кетиринъиз.

Къануннынъ текрары 16:10

О заман Алланъ олгъан РАББИ ичюн Афталар Байрамыны яп. Алланъ олгъан РАББИ санъа насыл берекет берген олса, истегинъе коре бахшышларынъны кетир