3 Ашлыкъ бахшышындан къалгъаны Харунгъа ве огъулларына олсун: бу – атеште якъыладжакъ РАББИнинъ бахшышларындан улу азизликтир.
Аким оларгъа, Ур ве Тум алетлери олгъан руханий кельмегендже, азизликлерни ашамагъа разылыкъ бермеди.
Еди кунь девамында къурбан ерини бойле темизле ве айырып азиз эт. Сонъ къурбан ери улу азизлик олур. Онъа тийген эр шей азиз олур.
Олар ашлыкъ бахшышларыны, гуналар ве къабаатлар ичюн кетирильген къурбанларны ашасынлар. Исраильде РАББИге айырылып багъышлангъан эр шей оларнынъки оладжакътыр.
О манъа шойле деди: – Бу ерде руханийлер къабаатлар ве гуналар ичюн кетирильген къурбанларны пиширсинлер. Мында да, тышкъы азбаргъа чыкъмайып, халкъ азиз шейлерге токъунмасын деп, олар ашлыкъ бахшышларыны пиширсинлер.
Олар котериледжек бахшыш оларакъ аякъны ве салландырыладжакъ бахшыш оларакъ тёшни атеште якъыладжакъ ягълар бахшышларынен берабер кетирмек ве РАББИнинъ огюнде котермек кереклер. Бу, эбедиен сенинъ ве огъулларынънынъ пайы оладжакъ. РАББИнинъ буюргъаны будыр.
О, къозуны азиз ерде, гуна ичюн къурбан ве бутюнлей якъыладжакъ къурбан союлгъан ерде сойсун. Къабаат ичюн бу къурбан – гуна ичюн къурбан кибидир. О, руханийнинъки олсун. Бу – улу азизликтир.
Ашлыкъ бахшышындан къалгъаны Харунгъа ве огъулларына олсун. Бу – атеште якъыладжакъ РАББИнинъ бахшышларындан улу азизликтир.
Азизликлерден ве энъ буюк азизликлерден олгъан Алланынъ къурбанлыкъ ашыны о, ашамакъ мумкюн.
Бойле этип, руханий онынъ насылдыр айтылгъан гуна япкъаны ичюн одеме этер, ве о, багъышланыр. Къалгъан богъдай уну, ашлыкъ бахшышы киби, руханийге къалсын.
Гуна ичюн къурбанны кетирген руханий оны ашамакъ керек. Оны азиз ерде, Корюшюв Чадырынынъ азбарында ашасын.
– Харунгъа ве онынъ огъулларына бойле эмир эт: Мына бутюнлей якъыладжакъ къурбан акъкъында къанун. Бутюнлей якъыладжакъ къурбан якъылгъан ерде, къурбан ерининъ устюнде бутюн гедже сабагъадже къалсын, къурбан ерининъ атеши де сёнмесин.
Эм гуна ичюн къурбан акъкъында, эм къабаат ичюн къурбан акъкъындаки къанун бирдир: къурбан эти одеме эткен руханийнинъ олсун.
Фурунда пиширильген эр бир ашлыкъ бахшышы, къолтавада я да тенеке тавада азырлангъан эр бир аш оны кетирген руханийнинъки олсун.
Энъ азиз бахшышлардан, атеште якъыладжакъ къурбанлардан булар сенинъ олсун: олар Манъа кетириледжек эр бахшыш – ашлыкъ бахшышлары, гуналар ичюн къурбанлар ве къабаат ичюн къурбанларнынъ эписи. Бу улу азизликлер сенинъ ве огъулларынъки оладжакъ.
Эписи Исраиль къабилелеринден Озюме руханий оларакъ къурбан ерине якъынлашмагъа, къокъулы отларны якъмагъа, Меним огюмде эфод кийип юрмек ичюн, деденъни сайлап алдым. Исраиль огъуллары чалгъан ве якъкъан къурбанларнынъ къысмыны да деденънинъ эвине бердим.