Левийлилер 19:4 - Мукъаддес Китап

⁴ Башкъа аллаларгъа барманъыз. Озюнъизге иритильген маденден путларны япманъыз. Мен – РАББИм, сизинъ Алланъыз.

Левийлилер 19:4 ပူးပေါင်းရင်းမြစ်များ

3 Падишалар 14:9

Сен исе сенден эвель кельгенлернинъ эписинден чокъ ярамайлыкъ яптынъ. Барып, Мени ачувландырмакъ ичюн, озюнъе башкъа аллалар ве путларны яптынъ. Мени исе бутюнлей ред эттинъ.

1 Тарих вакъиалары 16:26

Халкъларнынъ бутюн аллалары – бош путлардыр, РАББИ исе коклерни яратты!

2 Тарих вакъиалары 28:2

О, Исраиль падишалары юрген ёлларындан юре эди, Баалларгъа къуюлгъан табынма путларыны биле япты.

Зебур 96:5

РАББИнинъ огюнде, бутюн ернинъ Эфендиси огюнде дагълар балавуз киби ирип кете.

Чыкъыш 20:23

Меним ериме озьлеринъизге алтын ве кумюш аллаларны япманъыз», – деди.

Чыкъыш 32:4

Харун оларнынъ къолларындан кетирген алтынларыны алып иритти ве ондан бузав япты. Шу вакъыт олар: – Исраиллилер, мына бизни Мысыр топрагъындан чыкъаргъан алламыз! – дедилер.

Чыкъыш 34:17

Маден иритип, путлар ясаманъыз!

Левийлилер 11:44

Мен – РАББИм, сизинъ Алланъыз. Озьлеринъизни азиз этинъиз. Азиз олунъыз, чюнки Мен азизим. Ер юзюнде сюйрекленген махлюкънынъ себебинден джанынъызны арамламанъыз.

Левийлилер 19:25

Бешинджи йылы мейваларыны ашанъыз. Бойле этсенъиз, сизинъ берекетинъиз чокълашыр. Мен – РАББИм, сизинъ Алланъыз.

Левийлилер 19:5

РАББИге аманлыкъ къурбаныны кетиргенде, о къабул этильсин деп, чалынъыз.

Левийлилер 26:1

Озюнъизге бош путларны япманъыз, пут диреклерини тиклеменъиз, топрагъынъызда табынмакъ ичюн пут ташларыны къойманъыз. Мен – РАББИм, сизинъ Алланъыз.

Хагъгъай 2:18

– Шимди эвельки заманны, бу куньгедже не олгъаныны акъылгъа кетиринъиз. Бугуньден, докъузынджы айнынъ 24-юнджи кунюнден, РАББИнинъ Сарайына темель къоюлгъан кунюнден башлап, бу вакъытны акъылда тутунъыз.

1 Коринтлилерге 10:14

Шунынъ ичюн, севимли къардашларым, путперестликтен къачынъыз!

Къануннынъ текрары 27:15

«Агъачтан я да иритильген маденден путны япкъан ве оны гизли ерге къойгъан адамгъа лянет! Устанынъ къолундан чыкъкъан бу шей РАББИнинъ козюнде пистир». Бутюн халкъ джевап берип: «Амин!» – десин.

Къануннынъ текрары 4:16

Шунынъ ичюн бозулманъыз ве озюнъизге ич бир пут япманъыз. Ич бир шекильге ошагъан путны, акъай я да апай бичимли путны япманъыз.

Къануннынъ текрары 7:25

Аллаларынынъ путларыны атеште якъынъыз. Путларнынъ устюндеки кумюшни ве алтынны истеме, оны озюнъе алма. Алсанъ, о санъа къапкъан олур. Алланъ олгъан РАББИ ичюн бу шей пистир.

1 Юхан 5:21

Балалар, путлардан сакъынынъыз.