Левийлилер 19:34 - Мукъаддес Китап

³⁴ Аранъызда яшамакъ ичюн ерлешкен кельмешек сизлер ичюн ерли адам киби олсун, оны озюнъизни киби севинъиз. Сизлер де Мысыр топрагъында кельмешек эдинъиз. Мен – РАББИм, сизинъ Алланъыз.

Левийлилер 19:34 ပူးပေါင်းရင်းမြစ်များ

Зебур 146:9

айванларгъа аш бере, Оны чагъыргъан къаргъа баласыны ашата.

Чыкъыш 22:21

Ят халкълардан олгъан адамларгъа залымлыкъ этменъиз, оларны хорламанъыз. Сиз озьлеринъиз Мысыр топрагъында кельмешеклер эдинъиз.

Ехезкель 47:22

Озюнъизге де, сизлерде ерлешкен ве сизде балалары догъгъан башкъа халкъларнынъ адамларына да топракъ пайларыны айырынъыз. Олар сизинъ аранъызда Исраиль огъуллары киби олсунлар. Оларнынъ топракъ пайлары Исраиль къабилелерининъ арасында олсунлар.

Левийлилер 19:18

Яманлыкъкъа къаршы яманлыкъ япманъыз, халкъынъыздан ич бир адамгъа къаршы да яман фикирлерни тутманъыз. Лякин якъын адамны озюнъизни киби севинъиз. Мен – РАББИм.

Левийлилер 19:3

Эр кес ана-бабасына сайгъы бильдирсин. Раатлыкъ куньлеримни тутунъыз. Мен – РАББИм, сизинъ Алланъыз.

Сайылар 10:32

Эгер сен бизнен барсанъ, РАББИнинъ бизге япаджакъ яхшылыгъыны биз санъа япармыз.

Матта 5:43

‌Сиз: «Якъынынъны сев ве душманынъдан нефретлен», – денильгенини эшиттинъиз.

Къануннынъ текрары 10:19

Аранъызда яшагъан ят халкъларындан олгъан адамларны севинъиз. Мысыр топрагъында озьлеринъиз де ят эдинъиз.

Къануннынъ текрары 23:7

Эдомлыларгъа нефрет беслеме, чюнки олар сенинъ сой-сопларынъдыр. Мысырлыларгъа да нефрет беслеме, чюнки сен оларнынъ топрагъында ят олып яшагъансынъ.

Къануннынъ текрары 23:8

Оларнынъ учюнджи несилинде догъгъан эвлятлары РАББИнинъ джемаатына кирмек мумкюнлер.

Рут акъкъында китап 2:10

Рут эгилип, бетинен ерге тийди ве ондан: – Не япып козюнъде мерамет таптым да, сен, мен ябанджы олсам да, манъа яхшы бакъасынъ? – деп сорады.