Левийлилер 19:16 - Мукъаддес Китап

¹⁶ Халкънынъ арасында ошекчи олып юрменъиз. Якъын адамнынъ джанына зарар кетирменъиз. Мен – РАББИм.

Левийлилер 19:16 ပူးပေါင်းရင်းမြစ်များ

Эюп акъкъында китап 17:5

Бирев озь файдасы ичюн достларыны сатса, балаларынынъ козь нурлары сёнер.

Зебур 101:5

Юрегим – къуругъан ве йыкъылгъан от киби, отьмегимни ашамагъа биле унутам.

Зебур 15:3

Ер юзюнде олгъан азиз адамларгъа, асылзаделерге, оларнынъ эписине меним бутюн муратларым.

Зебур 50:20

Озь разылыгъынъа коре Сионгъа яхшылыкъ эт, Ерусалимнинъ диварларыны котер!

Чыкъыш 20:16

Якъын адамгъа къаршы ялан шаатлыкъ этме.

Чыкъыш 23:1

Ошек ташыманъыз. Ялан шаатлыкъ этип, джинаетчиге къол тутманъыз.

Чыкъыш 23:7

Ялан шаатлыкъны къабул этменъиз. Акълы ве къабаатсыз адамгъа олюм джезасыны тайинлеменъиз. Мен бу акъсызлыкъта къабаатлы олгъан адамны багъышламам.

Икметли сёзлер 10:18

Яланджы тиль нефретни гизлей, ошек ташыгъан – акъылсыздыр.

Икметли сёзлер 11:13

Ошек ташыгъан адам башкъасынынъ сырларыны ача, ишанчлы адам исе сырдаш ола.

Икметли сёзлер 20:19

Ошек ташыгъан адам сыр ачар, бошбогъаздан узакъ тур.

Йирмея 6:28

Олар эписи ёлдан урулгъан инатлардыр, башкъаларны яманлап яшайлар. Олар бакъыр ве демирдир, эписи бозукъ арекет этелер.

Йирмея 9:4

– Эр кес достундан сакъынсын, къардашларынынъ ич бирине ишанмасын; эр къардаш башкъасына къапкъан къоя, эр дост башкъасыны яманлай.

Ехезкель 22:9

Сенинъ ичинъде ифтираджылар башкъасынынъ къаныны тёкелер. Дагъ тёпелеринде къурбанларны кетирип, ашайлар. Сенинъ ортанъда джиренч ишлер япыла.

Матта 27:4

– Мен гуна яптым, къабаатсыз адамны саттым, – деди. Олар исе: – Бундан бизлерге не? О сенинъ ишинъ! – дедилер.

Къануннынъ текрары 27:25

«Къабаатсыз адамны ольдюрмек ичюн къапар алгъан адамгъа лянет!» Бутюн халкъ: «Амин!» – десин.

1 Тимотейге 3:11

Апайлары да урьметли олсун, ифтираджы дегиль, айыныкъ фикирли, эр шейде ишанчлы олсунлар.

2 Тимотейге 3:3

севгисиз, багъышламагъан, ифтираджы, озюни къолда тутмагъан, мераметсиз, яхшылыкъны кореджек козю олмагъан,

Титке 2:3

Къарт апайлар Алланы урьмет этип яшасын, башкъаларны яманламасын, чокъ шарап ичмекнинъ къулу олмасын, яхшы ишлер япмагъа огретсинлер.

1 Пётр 2:1

Бойлеликнен, эр бир яманлыкъ, айнеджилик, экиюзьлюлик, пахыллыкъ ве яман лафларны бир четке ташланъыз

1 Падишалар 24:10

Сонъ Давут Шаулгъа: – Не ичюн санъа: «Мына Давут санъа къаршы ярамай иш япмагъа чаре къыдыра», – деген адамларны динълейсинъ?