Левийлилер 19:15 - Мукъаддес Китап

¹⁵ Адалетсиз суд этменъиз. Фукъаре адамгъа керексиз дикъкъат косьтерменъиз, буюк адамгъа да чокъ урьмет этменъиз. Якъын адамны адалетнен суд этинъиз.

Левийлилер 19:15 ပူးပေါင်းရင်းမြစ်များ

Эюп акъкъында китап 13:8

Онъа ярдым этеджексинъизми? Алланынъ ишини къорчалайджакъсынъызмы?

Эюп акъкъында китап 32:21

Кимсенинъ бетине бакъмайджагъым, кимсенинъ шерефи ичюн, айры-айры сёзлер къыдырмайджагъым,

Эюп акъкъында китап 34:19

Лякин О, ёлбашчыларгъа айры урьмет косьтермей, бай-фукъарени айырмай, чюнки олар эписи – Онынъ яраткъанларыдыр.

Зебур 82:2

Эй, Алла, индемей турма, сесинъни кесме, арекетсиз къалма, эй, Алла!

Чыкъыш 18:21

Озюнъе бутюн халкътан къабилиетли, Алладан къоркъкъан, ачкозь олмагъан ве адалетли адамларны сайлап ал да, оларны халкънынъ устюне бинъбашы, юзбашы, эллибашы ве онбашы оларакъ къой.

Икметли сёзлер 18:5

Яман адамгъа яхшы бакъмакъ да, инсафлы адамгъа адалетни бермемек де ямандыр!

Икметли сёзлер 24:23

Булар да икметли адамларнынъ айткъанларыдыр. Судда даваны аселет янълыш чезмек – яхшы дегильдир.

Икметли сёзлер 31:9

Акъикъатны къорумакъ ве заваллынен фукъаренинъ акъларыны къорчаламакъ ичюн айт!»

Левийлилер 19:35

Адалетсиз суд этменъиз. Ольчюде, теразеде, микъдарда алдатманъыз.

Юхан 7:24

Корюнишине коре суд этменъиз, лякин адалетли суд этинъиз, – деди.

Фаалиет 23:3

Павел онъа: – Эй, акълангъан дивар, сени Алла ураджакъ! Сен Къанун эсасында укюм чыкъармакъ ичюн отурасынъ, амма Къанунгъа къаршы мени урмагъа буюрасынъ! – деди.

Къануннынъ текрары 1:17

Суд эткенде, адамлар арасында фаркъ этменъиз. Эм адий, эм буюк адамнынъ лафына къулакъ асынъыз. Адамлардан къоркъманъыз. Суд – Алланынъ ишидир. Сиз чезип оламагъан даваларны исе манъа кетиринъиз, мен оларны бакъарым», – дедим.

Къануннынъ текрары 10:17

Алланъыз олгъан РАББИ – аллаларнынъ Алласы, раббилернинъ РАББИсидир, улу, къудретли ве къоркъунчлы Алладыр! О адамларнынъ бетине бакъмай, къапарлар алмай,

Къануннынъ текрары 16:19

Суд эткенде, Къанунны бозмасынлар, адамлар арасында фаркъ этмесин ве бахшыш-къапарлар алмасынлар. Бахшышлар икметли адамларнынъ козьлерини кёр этелер ве инсафлы адамларнынъ сёзлерини ялангъа чевирелер.

Къануннынъ текрары 27:19

«Ят халкълардан олгъанларгъа, оксюзлер ве тул апайларгъа адалетсиз янашкъан адамгъа лянет!» Бутюн халкъ: «Амин!» – десин.