Левийлилер 19:10 - Мукъаддес Китап

¹⁰ Багъынъызда эр бир юзюм салкъымыны джыйманъыз, ерге тюшкен юзюм данелерини топламанъыз. Буны фукъарелерге ве кельмешеклерге къалдырынъыз. Мен – РАББИм, сизинъ Алланъыз.

Левийлилер 19:10 ပူးပေါင်းရင်းမြစ်များ

Ешая 17:6

къалгъанлары исе пек аз оладжакъ. Зейтюн джыйгъанда, терекнинъ тёпесинде эки-учь данеси, берекетли пытакъларында дёрт-беш данеси къалгъаны киби, ойле де анда оладжакъ, – дей РАББИ, Исраильнинъ Алласы.

Ешая 24:13

Зейтюнлерни къакъкъанда, юзюм салкъымларыны джыйгъанда, берекет джыйылувындан сонъра насыл олса, топракъ ортасында, халкълар арасында да ойле оладжакъ.

Йирмея 49:9

Юзюм джыйгъанлар санъа кельсе эди, мытлакъа бир къач салкъым къалдырыр эди. Гедже хырсызлар кельсе эди, керегини алыр эди.

Левийлилер 11:44

Мен – РАББИм, сизинъ Алланъыз. Озьлеринъизни азиз этинъиз. Азиз олунъыз, чюнки Мен азизим. Ер юзюнде сюйрекленген махлюкънынъ себебинден джанынъызны арамламанъыз.

Левийлилер 19:11

Хырсызламанъыз. Ялан айтманъыз. Бири-биринъизни алдатманъыз.

Левийлилер 19:25

Бешинджи йылы мейваларыны ашанъыз. Бойле этсенъиз, сизинъ берекетинъиз чокълашыр. Мен – РАББИм, сизинъ Алланъыз.

Левийлилер 19:9

Топрагъынъызда берекет джыйгъанда, тарланынъ кенарларыны орманъыз. Оракъ вакътында ерге тюшип къалгъан башакъларны джыйманъыз.

Левийлилер 23:22

Топрагъынъызда берекет оргъанда, тарланынъ кенарларыны орманъыз. Оракъ вакътында ерге тюшип къалгъан башакъларны джыйманъыз. Буны фукъарелерге ве кельмешеклерге къалдырынъыз. Мен – РАББИм, сизинъ Алланъыз.

Левийлилер 25:6

Топракънынъ раатлыкъ вакътында оськен шейлер сиз ичюн аш олсун: эм сизге, эм къулларынъызгъа, эм ыргъатларынъызгъа, эм сизде вакътынджа яшагъан адамларгъа.

Овадья 1:5

– Сен бус-бутюн ёкъ этиледжексинъ! Хырсызлар келип, гедже сени чайпагъан олсалар, тек кереклерини алыр эди. Юзюм джыйгъан адамлар санъа кельген олсалар, бир къач салкъым къалдырыр эди.

Микъа 7:1

Вай, башыма беля тюшти! Юзюм джыйылгъан сонъ багъчагъа кирген адамгъа ошадым, язда мейва джыйылгъандан сонъ багъчагъа кирген, амма бир шей тапалмагъан адамгъа ошадым. Ашамагъа бир салкъым юзюм ёкъ, джаным истеген бир дане пишкен инджир ёкъ.

Къануннынъ текрары 24:19

Тарланъда махсулынъны джыйып, анда бир талай башакъларны унутсанъ, оларны алмакъ ичюн артынъа къайтма. Олар аранъыздаки ят халкълардан олгъанларгъа, оксюзлерге ве тул апайларгъа къалсын. Сонъ Алланъ олгъан РАББИ санъа эр туткъан ишинъде берекет береджек.

Къануннынъ текрары 24:20

Зейтюнни теректен силькиткенинъде, бир даа пытакъларыны козьден кечирме. О зейтюн аранъыздаки ят халкълардан олгъанларгъа, оксюзлерге ве тул апайларгъа къалсын.

Къануннынъ текрары 24:21

Юзюмлигинъде юзюм салкъымларны джыйгъанда, къалгъанларыны джыйма. О, аранъыздаки ят халкълардан олгъанларгъа, оксюзлерге ве тул апайларгъа къалсын.

Къадылар 8:2

Лякин Гидон оларгъа бойле джевап берди: – Меним япкъанларым сизинъкисине коре не? Эфраимлилернинъ энъ сонъки салкъымлары Авиэзер топлагъан юзюм берекетинден яхшыдыр!

Рут акъкъында китап 2:2

Моавлы Рут Ноомийге: – Тарлагъа барайым ве кимнинъ козюнде мерамет тапсам, онынъ артындан башакъларны джыяйым, – деди. – Бар, къызым, – деди онъа Ноомий.