Левийлилер 18:30 - Мукъаддес Китап

³⁰ Буюргъанларымны беджеринъиз ве сизден эвель олгъан адамларнынъ пис низамнамелерини тутманъыз, оларнынъ себебинден арам олманъыз. Мен – РАББИм, сизинъ Алланъыз.

Левийлилер 18:30 ပူးပေါင်းရင်းမြစ်များ

3 Падишалар 14:24

Бу ерде акъай путхане ороспулары да бар эди. Ехудада яшагъанлар, РАББИ исраиллилернинъ огюнден къувалагъан халкълар киби, чешит писликлерни яптылар.

3 Падишалар 21:26

РАББИ исраиллилернинъ огюнден аморлыларны къувалап йиберген олса да, Ахав, аморлылар киби, бош путларгъа табынып, пек пис шей япты.

Узеир 9:1

Буларнынъ эписи биткен сонъ, башлыкълар яныма келип, шойле дедилер: – Исраиль халкъы, руханийлер ве левийлилер башкъа мемлекетлернинъ халкъларындан: ханаанлылардан, хитлилерден, перизлилерден, евуслылардан, аммонлылардан, моавлылардан, мысырлылардан, аморлылардан ве оларнынъ писликлеринден айрылмадылар,

Левийлилер 18:29

Бойле пис шейлерни япкъан адамларнынъ джанлары халкъ арасындан ёкъ этиледжеклер.

Левийлилер 19:1

РАББИ Мусагъа бойле деди:

Левийлилер 20:23

Мен сизлерден къуваджакъ халкъларнынъ низамнамелерине коре яшаманъыз. Олар бунынъ эписини япкъанлары ичюн, Мен оларгъа къаршы ачувландым

Левийлилер 22:9

Руханийлер къарарларымны беджерсинлер. Эгер олар сёзлеримни бозсалар, озь башларына гуна къазанаджакълар ве оледжеклер. Мен – РАББИм. Мен оларны азиз эттим.

Къануннынъ текрары 11:1

Бойлеликнен, Алланъ олгъан РАББИни сев ве омюрбилля О буюргъан низамнамелерни, къарарларны ве эмирлерни тут.

Къануннынъ текрары 12:30

Олар ёкъ этильген сонъ, сакъын, оларнынъ пешинден кетип, олар тюшкен къапкъангъа тюшме. «Бу миллетлер аллаларына насыл ибадет эткенлер? Мен де ойле япайым!» – деп, аллаларыны къыдырма.

Къануннынъ текрары 12:31

Алланъ олгъан РАББИге олар киби ибадет этме. Олар аллаларына РАББИге пис олгъан ве кореджек козю олмагъан шейлерни япалар, озь аллалары ичюн огъулларыны ве къызларыны атеште якъалар.

Къадылар 20:6

Мен исе онынъ джеседини парча-парча кесип, оларны исраиллилернинъ эр бир топракъ пайларына йибердим. Олар Исраильде айып ве акъылсыз шей яптылар.