Левийлилер 18:19 - Мукъаддес Китап

¹⁹ Апайынъ устю кирли олгъанда, онен ятмакъ ичюн якъынлашма.

Левийлилер 18:19 ပူးပေါင်းရင်းမြစ်များ

2 Падишалар 11:4

Давут озь эльчилерини о къадынны алып кельмеге ёллады. Бат-Шеваны алып кельдилер, ве Давут онен ятты. Сонъра Бат-Шева, озюнинъ арамындан темизленип, эвине къайтты.

Ехезкель 18:6

дагъларда путларгъа кетирильген къурбанларны ашамаса, Исраиль халкъынынъ путларына ибадет этмесе, башкъасынынъ апайына токъунмаса, озь апайына устю кирленген вакъытта якъынлашмаса,

Ехезкель 22:10

Сенде адамлар озь бабасынынъ ятагъыны масхара этелер, устю кирли апайларнынъ намусына токъуналар.

Левийлилер 12:2

– Исраиль огъулларына бойле айт: Бир къадын юкке къалып огълан бала тапкъан сонъ, еди кунь девамында арам олур. Устю кирленген куньлеринде киби, о, арам олур.

Левийлилер 15:19

Къадыннынъ устю кирленгенде, онынъ беденинден къан акъкъанда, о, темизленмек ичюн, еди кунь беклесин. Онъа токъунгъан эр ким акъшамгъадже арам олур.

Левийлилер 15:24

Эгер акъайы онен ятса, онынъ арамлыгъы акъайына кечеджек. О акъай еди кунь арам олур, ве о, ятаджакъ тёшек де арам олур.

Левийлилер 18:18

Къадынгъа ве онынъ татасына бирден эвленме. Ёкъса олар бири-бирини куньлер. Сенинъ апайынъ сагъ олгъанда, онынъ татасынен я да къызкъардашынен ятма.

Левийлилер 20:18

Устю кирли олгъан апайынен яткъан акъай апайнынъ акъувларыны ачкъандыр, къадын да къанларынынъ акъувыны ачкъандыр. Экиси де халкъ арасындан ёкъ этильсин.