Левийлилер 16:21 - Мукъаддес Китап

²¹ Харун тири текенинъ башына къолларыны къойсун ве онынъ устюнден Исраиль огъулларынынъ бутюн къабаатларыны, джинаетлерини, гуналарыны айтсын ве оларнынъ эписини текенинъ башына юклесин. Сонъ бу иш ичюн айырылгъан бир адамнен бу текени сахрагъа йиберсин.

Левийлилер 16:21 ပူးပေါင်းရင်းမြစ်များ

Узеир 10:1

Узеир дува окъуды, агълай-агълай тёвбе этти, агълады, Алланынъ Эви огюнде ерге йыкъылды. Шу вакъытта онынъ янында чокътан-чокъ исраиллилер джемааты топланды, акъайлар, апайлар, балалар да кельди. Олар окюр-окюр агълай эдилер.

Зебур 32:5

О, акъикъат ве адалетни севе; дюнья РАББИнинъ севгисине толды.

Зебур 51:3

Эй, кучьлю адам, не ичюн яман ишлеринънен макътанасынъ? Алланынъ буюк севгиси меннен эр вакъыт булуныр!

Чыкъыш 29:10

Корюшюв Чадыры янына тананы кетирип, Харуннен огъуллары онынъ башына къолларыны къойсунлар.

Икметли сёзлер 28:13

Гуналарыны гизлеген адам хайырыны корьмез, тёвбе этип оларны ташлагъангъа исе мерамет этерлер.

Ешая 53:6

Эпимиз, къойлар киби, долаштыкъ, эпимиз озь ёлумызнен кеттик, ве РАББИ бизим эписи гуналарымызны Онъа юкледи.

Левийлилер 1:4

бутюнлей якъыладжакъ къурбаннынъ башына къолуны къойсун. Къурбан адам ичюн одеме оларакъ къабул этиледжек.

Левийлилер 16:20

Мукъаддес Ер ичюн, Корюшюв Чадыры ве къурбан ери ичюн одеме этип битирсин. Сонъ тири текени кетирсин.

Левийлилер 16:22

Адам текени сахрагъа ёлласын, ве теке бутюн къабаатларны адам олмагъан ерге алып кетсин.

Левийлилер 26:40

О заман олар озь имансыз япкъанларыны, Манъа къаршы чыкъкъанларыны, озь къабаатларыны ве деделерининъ къабаатларыны бойнуна аладжакълар.

Левийлилер 5:5

Мына бу айтылгъан гуналардан биринде къабаатлы олгъанда, адам озь къабаатыны бойнуна алмакъ керек

Римлилерге 10:10

Юрекнен иман этип, адам инсафлы деп сайыла, агъызнен Исагъа Рабби деп, къуртулыш ала.

2 Коринтлилерге 5:21

Месихнинъ ярдымынен Алланынъ огюнде инсафлы сайылайыкъ деп, Алла гуна бильмеген Месихни гуналарымыз ичюн къурбан оларакъ кетирди.