Левийлилер 14:14 - Мукъаддес Китап

¹⁴ Руханий къабаат ичюн къурбаннынъ бираз къаныны алсын ве темизленеджек адамнынъ онъ къулагъынынъ мемесине, онъ къолунынъ баш пармагъына ве онъ аягъынынъ баш пармагъына сюртсюн.

Левийлилер 14:14 ပူးပေါင်းရင်းမြစ်များ

Чыкъыш 29:20

Къочкъарны сойып, къанындан ал да, Харуннынъ ве огъулларынынъ онъ къулагъынынъ мемелерине, онъ къолларынынъ баш пармакъларына ве онъ аякъларынынъ баш пармакъларына сюрт. Къалгъан къанны къурбан ерининъ чевре-четине пускюрт.

Ешая 1:5

Эй, РАББИни эп танымагъанлар! Сизлерни даа къайсы еринъизге урмакъ керек? Башларынъыз бутюн яра! Юреклеринъиз – хаста!

Левийлилер 14:19

Руханий гуна ичюн къурбанны кетирсин, темизленеджек адамнынъ ичюн одеме этсин ве оны озь арамлыгъындан темизлесин. Сонъра о, бутюнлей якъыладжакъ къурбанны кетирсин.

Левийлилер 14:25

Къабаат ичюн къурбан къозусыны чалсын. Руханий къабаат ичюн къурбаннынъ бираз къаныны алсын, темизленеджек адамнынъ сагъ къулагъынынъ мемесине, онъ къолунынъ баш пармагъына ве онъ аягъынынъ баш пармагъына сюртсюн.

Римлилерге 12:1

Агъа-къардашларым, сизге Алланынъ мераметинен ялварам: тири ве азиз, Алла бегенген къурбанлыкъ киби, джанларынъызны Аллагъа беринъиз. Бойле ибадет акъикъийдир.

Римлилерге 6:13

Беденлеринъизнинъ ич бир мучесинен инсафсыз иш япманъыз, гунагъа берильменъиз. Аксине, олю олып, лякин тирильген адамлар киби, Алланынъ огюнде яшанъыз ве беденлеринъизнинъ мучелеринен инсафлы ишлер япып, Аллагъа берилинъиз.

Римлилерге 6:19

Акъылларынъыз зайыф олгъаны ичюн, адамджа лаф этем. Бир вакъытлары сиз писликнинъ ве ахлякъсызлыкънынъ къуллары олып, къанунсызлыкъ эте эдинъиз. Энди исе инсафлыкънынъ къулу олып, азиз ишлер япынъыз.

1 Коринтлилерге 6:20

лякин паалы фияткъа сатын алындынъыз. Шунынъ ичюн беденинъизнен Алланы шуретленъиз.

2 Коринтлилерге 7:1

Севимли дин къардашларым, Алладан бойле буюк сёзлерни алгъан сонъ, беденимизни ве рухумызны арам эткен эр бир шейден озюмизни темизлейик, Алладан къоркъып, бутюнлей азиз олайыкъ.

Къануннынъ текрары 24:8

Сакъын, тери хасталыкълары пейда олгъанда, левийли руханийлер санъа огреткенлерининъ эписини яп. Мен оларгъа эмир эткенлеримни япынъыз.

Филиплердекилерге 1:20

Мен ич бир шейде масхара олмайджагъымны, амма шимди, эр вакъыт олгъаны киби, меним тири я да олю беденимде Месих ачыкъ-айдын шурет къазанаджагъыны буюк умютнен беклейим.

1 Пётр 2:5

Озьлеринъизден, тири ташлардан киби, Алла рухий бинаны къура. Сонъ сиз, азиз руханийлер олып, Иса Месихнинъ ярдымынен Аллагъа хош кельген рухий къурбанларны кетиреджексинъиз.