Левийлилер 10:2 - Мукъаддес Китап

² Сонъ РАББИден атеш чыкъты ве оларны якъып ёкъ этти. Олар РАББИнинъ огюнде ольдилер.

Левийлилер 10:2 ပူးပေါင်းရင်းမြစ်များ

2 Падишалар 6:7

Лякин РАББИ Уззагъа ачувланды ве онынъ урьметсизлиги ичюн оны шу ерде ольдюрди. Бойлеликнен, о Алланынъ Сандыгъы янында ольди.

3 Падишалар 13:28

Къарт кетип, ёлда серилип яткъан джесетни тапты. Джесетнинъ янында эшекнен арслан турмакъта эдилер. Арслан джесетни ашамагъан, эшекни парчаламагъан эди.

3 Падишалар 18:38

Шу вакъыт РАББИнинъ атеши тюшти. Атеш къурбанны бутюнлей якъты, одунларны, ташларны, топракъны да якъты ве арычыкътаки сувны къурутты.

4 Падишалар 1:10

Ильяс эллибашына джевап берип: – Эгер мен Алланынъ адамы олсам, коктен атеш энсин де, сени де, аскерлеринъни де якъсын, – деди. Шу дакъкъасы коктен атеш энип, эллибашыны ве онынъ аскерлерини якъты.

4 Падишалар 1:12

Ильяс кене джевап берип: – Эгер мен Алланынъ адамы олсам, коктен атеш энсин де, сени де, аскерлеринъни де якъсын, – деди. Шу дакъкъасы коктен Алланынъ атеши энип, эллибашыны ве онынъ аскерлерини якъты.

1 Тарих вакъиалары 13:10

Узза Сандыкъкъа къолуны узаткъаны ичюн, РАББИ онъа пек ачувланды ве оны ольдюрди, ве Узза шу ань Алланынъ огюнде ольди.

1 Тарих вакъиалары 15:13

Бизлер кереги киби РАББИден сорамагъанымыз, сизлер биринджи кере Сандыкъны ташымагъанынъыз ичюн, РАББИ бизге пек ачувланды, – деди.

1 Тарих вакъиалары 24:2

Надав ве Авиху бабасындан эвель кечиндилер, оларнынъ огъуллары олмады, шунынъ ичюн Элазар ве Итамар руханийлик яптылар.

Эюп акъкъында китап 1:16

О сёзюни битирмезден, башкъа бир хаберджи келип: – Алланынъ атеши коктен тюшип, къой-эчкилернен берабер хызметчилеринъни якъып ташлады. Янъгъыз мен къуртулдым ве санъа бу хаберни кетирдим, – деди.

Зебур 50:3

Эй, Алла, Сенинъ буюк севгинъ ичюн манъа мерамет эт! Сынъырсыз шефкъатынъ ичюн къанунсыз ишлеримни менден узакълаштыр!

Чыкъыш 24:1

РАББИ Мусагъа бойле деди: – Харунны, Надавны, Авихуны ве Исраильнинъ етмиш акъсакъалларыны янынъа алып, РАББИге котериль. РАББИге узакътан ибадет этинъиз.

Ешая 30:33

Къурбан атеши чокътан азырланды, падишаны терен чукъурдаки буюк атеш беклей. Атешинде одуны пек чокъ. РАББИнинъ уфюрмеси, янгъан кукюрт киби, оны туташтыраджакъ.

Левийлилер 10:5

Олар бардылар ве, Мусанынъ буюргъанына коре, оларнынъ джесетлерини ордудан тышарыгъа чыкъардылар. Олар даа тюп урбаларында эдилер.

Левийлилер 16:1

РАББИнинъ огюне ябанджы атешнен кельген Харуннынъ эки огълунынъ олюминден сонъ, РАББИ Мусанен лаф этти.

Левийлилер 9:24

РАББИнинъ огюнден атеш чыкъты ве къурбан ерининъ устюндеки бутюнлей якъыладжакъ къурбанны ве ич ягъларыны бутюнлей якъты. Бутюн халкъ буны корьди. Эписи къуванчтан къычырдылар ве ерге бетлеринен тийдилер.

Сайылар 14:37

РАББИнинъ огюнде яман хасталыкътан ольдилер. Олар топракъ акъкъында яман лаф джайраткъан эдилер.

Сайылар 16:35

О вакъыт РАББИден атеш чыкъты ве комюр табакъларыны кетирген 250 адамны якъып ёкъ этти.

Сайылар 16:49

Къорахнен берабер ольгенлерден гъайры, ёкъ этилювден 14 700 адам ольди.

Сайылар 26:61

Надав ве Авиху ольдилер, чюнки олар РАББИнинъ огюне башкъа бир атешни якътылар.

Фаалиет 5:10

Шу ань къадын, джан берип, Пётрнынъ аякълары алдына йыкъылды. Йигитлер ичериге кирип, онынъ ольгенини корьдилер. Олюсини тышарыгъа чыкъарып, акъайынынъ янында дефн эттилер.

Фаалиет 5:5

Анания бу сёзлерни эшиткенинен, джан берип ерге йыкъылды. Буны бильгенлернинъ эписини къатты бир къоркъу къаплап алды.

1 Коринтлилерге 10:11

Оларнен олгъан шейлер адамларгъа орьнек олды ве бизни, ахыр заманда яшагъанларны, огретмек ичюн язылды.

1 Падишалар 6:19

Алла Бет-Шемеш сакинлерини РАББИнинъ Сандыгъыны ачып бакъкъанлары ичюн джезалады, халкътан 50 070 адамны ольдюрди. РАББИ пек чокъ халкъны гъайып эткени ичюн, халкъ матем тутты.