Левийлилер 10:14 - Мукъаддес Китап

¹⁴ Салландырыладжакъ бахшыш олгъан тёшни ве котериледжек бахшыш олгъан аякъны темиз ерде ашанъыз. Эм санъа, эм огъулларынъа, эм къызларынъа оны ашамагъа мумкюн. Бу – Исраиль огъулларынынъ аманлыкъ къурбанларындан сенинъ ве огъулларынънынъ пайыдыр.

Левийлилер 10:14 ပူးပေါင်းရင်းမြစ်များ

Чыкъыш 29:33

Оларгъа руханийликни бермек ве оларны айырып азиз этмек ичюн кетирген багъышлав бахшышларыны ве къурбанларыны тек олар ашамакъ мумкюн. Башкъа кимсенинъ буларны ашамагъа акъкъы ёкъ, чюнки о – азизлик.

Ехезкель 42:13

Адам манъа шойле деди: – Сарайнынъ азбарына чыкъкъан шимальдеки ве дженюптеки одалар – азиз одалардыр. Анда РАББИнинъ огюнде хызмет эткен руханийлер энъ азиз олгъан къурбанларны ве бахшышларны ашайлар. Олар анда да къурбанларнынъ энъ азизини, ашлыкъ бахшышларыны, гуналар ве къабаатлар ичюн кетирильген къурбанларны къоялар. Бу ер азиздир.

Левийлилер 10:13

Оны азиз ерде ашанъыз. Бу, РАББИнинъ атеште якъыладжакъ бахшышларындан сенинъ ве огъулларынънынъ пайыдыр. Бу, манъа буюрылгъан эди.

Левийлилер 22:13

Руханийнинъ къызы тул апай олгъанда я да акъайындан айырылгъанда ве онынъ балалары олмагъанда, о, озь яшлыгъы эвине, бабасынынъ эвине къайтса, о заман бабасынынъ отьмегини ашамагъа мумкюн. Ич бир тыш адам оны ашамасын.

Левийлилер 9:21

Муса буюргъаны киби, Харун тёш этини ве онъ аягъыны салландырыладжакъ бахшыш оларакъ РАББИнинъ огюне котерди.

Сайылар 18:11

Оларнынъ котериледжек бахшышларындан булар сенинъ олсун: Исраиль огъулларынынъ эписи салландырыладжакъ бахшышларны Мен санъа, огъулларынъа ве къызларынъа берем. Бу – эбедий низамнамедир. Сенинъ эвинъде элял олгъан эр кес оларны ашап олур.

Сайылар 5:9

Исраиль огъулларынынъ руханийге бахшыш этильген эписи азизликлери онынъ олсунлар.

Юхан 4:34

Иса исе оларгъа шай деди: – Меним ашым – Мени Ёллагъаннынъ ирадесини беджермек ве Онынъ ишини битирмектир.