Левийлилер 10:12 - Мукъаддес Китап

¹² Муса Харунгъа ве онынъ къалгъан эки огълу Элазаргъа ве Итамаргъа бойле деди: – РАББИнинъ атеште якъыладжакъ бахшышларындан къалгъан ашлыкъ бахшышыны алынъыз да, такос пителерни къурбан ерининъ янында ашанъыз. Бу – улу азизликтир.

Левийлилер 10:12 ပူးပေါင်းရင်းမြစ်များ

2 Тарих вакъиалары 31:14

Йимнанынъ огълу Къорэ, левийли, шаркъ тарафында тургъан къапуджы, Аллагъа озь истегинен кетирильген бахшышлар ичюн джевапкяр эди. О, РАББИге кетирильген шейлерни ве энъ азиз багъышлангъан шейлерни дагъыта эди.

Узеир 7:5

Буккий – Авишуанынъ огълу, Авишуа – Пинехаснынъ огълу, Пинехас – Элазарнынъ огълу, Элазар – баш руханий Харуннынъ огълу эди)

Чыкъыш 29:2

маясыз пишкен пителер, ягънен басылгъан маясыз пителер, пишкен сонъ устьлерине ягъ сюртюльген маясыз пителерни ал. Оларны энъ яхшы богъдай унундан пишир.

Чыкъыш 29:33

Оларгъа руханийликни бермек ве оларны айырып азиз этмек ичюн кетирген багъышлав бахшышларыны ве къурбанларыны тек олар ашамакъ мумкюн. Башкъа кимсенинъ буларны ашамагъа акъкъы ёкъ, чюнки о – азизлик.

Чыкъыш 6:23

Харун Нахшоннынъ къызкъардашы олгъан Амминадавнынъ къызына Элишевагъа эвленди. О, Харунгъа Надав, Авиху, Элазар ве Итамар адлы огъулларны тапты.

Ехезкель 44:29

Олар ашлыкъ бахшышларыны, гуналар ве къабаатлар ичюн кетирильген къурбанларны ашасынлар. Исраильде РАББИге айырылып багъышлангъан эр шей оларнынъки оладжакътыр.

Левийлилер 10:13

Оны азиз ерде ашанъыз. Бу, РАББИнинъ атеште якъыладжакъ бахшышларындан сенинъ ве огъулларынънынъ пайыдыр. Бу, манъа буюрылгъан эди.

Левийлилер 21:22

Азизликлерден ве энъ буюк азизликлерден олгъан Алланынъ къурбанлыкъ ашыны о, ашамакъ мумкюн.

Левийлилер 24:9

Пителер Харуннынъ ве онынъ огъулларынынъки олсун. Олар пителерни азиз ерде ашасынлар. РАББИнинъ бахшышларындан бу оларгъа улу азизликтир. Бу, эбедий низамнамедир.

Левийлилер 7:9

Фурунда пиширильген эр бир ашлыкъ бахшышы, къолтавада я да тенеке тавада азырлангъан эр бир аш оны кетирген руханийнинъки олсун.

Сайылар 3:2

Харун огъулларынынъ адлары шудыр: биринджи огълу Надав, Авиху, Элазар ве Итамар.