Левийлилер 1:17 - Мукъаддес Китап

¹⁷ Сонъ адам къушнынъ къанатларыны, тенинден айырмайып, сындырсын, ве руханий оны къурбан еринде, янгъан одунлар устюнде якъсын. Будыр – атеште бутюнлей якъыладжакъ къурбан, РАББИге хош къокъудыр.

Левийлилер 1:17 ပူးပေါင်းရင်းမြစ်များ

Башланув 15:10

Ибрам айванларны алып кельди, экиге болип кести ве бир къысмыны экинджи къысмынынъ къаршысында къойды. Къушларны исе экиге больмеди.

Башланув 8:21

Къурбанларнынъ мис къокъуларыны алып, РАББИ Озю-Озюне: – Энди адамлар ичюн ер юзюни къаргъамайджагъым. Оларнынъ фикирлери яшлыкътан ярамайлыкъкъа ынтылгъанына бакъмадан, Мен ер юзюнде яшагъанларнынъ эписини бир даа къырмайджагъым, – деди.

Зебур 16:10

Оларнынъ юрегини ягъ баскъан, агъызлары къопайып макътаналар.

Левийлилер 1:13

Адам къурбаннынъ ич алетлерини ве аякъларыны сувнен ювсун, ве руханий бунынъ эписини къурбан ерининъ устюнде якъсын. Будыр – атеште бутюнлей якъыладжакъ къурбан, РАББИге хош къокъудыр.

Левийлилер 2:2

Буны Харуннынъ огъулларына, руханийлерге кетирсин. О, бу ундан ягънен ве темиз къокъулы майнен берабер толу къошавуч алсын, ве руханий буны хатыра пайы оларакъ къурбан еринде якъсын. Будыр – атеште бутюнлей якъыладжакъ бахшыш, РАББИге хош къокъудыр.

Левийлилер 3:5

Харуннынъ огъуллары шуларны къурбан еринде, янгъан одунларда бутюнлей якъыладжакъ къурбаннен берабер якъсынлар. Будыр – атеште бутюнлей якъыладжакъ къурбан, РАББИге хош къокъудыр.

Левийлилер 5:8

О, оларны руханийге кетирсин де, башта гуна ичюн къурбанлыкъ къушны алып, онынъ бойнуны сындырсын, амма айырмасын.

Левийлилер 6:14

Мына ашлыкъ бахшышы акъкъында къанун. Харуннынъ огъуллары оны РАББИнинъ огюне, къурбан ерине кетирмек кереклер.

Левийлилер 8:21

Ич алетлерини ве аякъларыны сувнен ювды. Сонъ Муса бутюн къочкъарны къурбан ерининъ устюнде якъты. Бу – бутюнлей якъыладжакъ къурбандыр, атеште якъыладжакъ къурбан, РАББИге хош къокъудыр. Бу, РАББИнинъ Мусагъа буюргъаны эди.

Левийлилер 9:13

Бутюнлей якъыладжакъ къурбанны: къурбаннынъ эписи къысымларыны ве башыны Харунгъа бердилер. Харун эписини къурбан ерининъ устюнде якъты.

Сайылар 15:3

туварларны я да къой-эчкилерни къурбан чалынъыз, къурбанларны – бутюнлей якъыладжакъ къурбан, адакъ къурбаны, озь истегинен берильген къурбан, я да байрам къурбаны – атеште якъып, РАББИге багъышланъыз ве РАББИ ичюн гузель къокъу чыкъарынъыз.

Сайылар 28:8

Экинджи къочкъарны, сабадаки киби, ашлыкъ бахшышынен ве тёкюледжек бахшышнен берабер атеште якъыладжакъ къурбан оларакъ акъшам кетиринъиз. О, РАББИге хош къокъу олсун.

Матта 27:50

Иса исе даа бир кере къатты сеснен къычырып, сонъки нефесини чыкъарды.

Юхан 19:30

Иса бир ютум шарап ичип: – Эр шей ерине кельди! – деди де, башыны эгип джан берди.

1 Пётр 3:18

Месих де бир кере гуналарымыз ичюн азап чекти. Сизни Аллагъа якъынлаштырмакъ ичюн, инсафлы олгъан инсафсызлар ичюн къыйналды. Онынъ бедени ольдюрильди, Рухнынъ ярдымынен исе О, тирильди.