Колоссайлыларгъа 3:25 - Мукъаддес Китап

²⁵ Ким исе яманлыкъ япса, япкъанына коре джезасыны аладжакъ. Алла адамларгъа тенъ бакъа.

Колоссайлыларгъа 3:25 ပူးပေါင်းရင်းမြစ်များ

2 Падишалар 14:14

Биз оледжекмиз ве ерге тёкюльген сув киби оладжакъмыз – сувны янъыдан джыймакъ мумкюн дегиль. Лякин Алла джанымызнынъ гъайып олмасыны истемей ве сюргюнликте олгъан адамны биле Озюнден узакълаштырмагъа истемей.

2 Тарих вакъиалары 19:7

Шунынъ ичюн РАББИден къоркъунъыз, сиз япкъан ишинъизде дикъкъат этинъиз. Алламыз РАББИде адалетсизлик, экиюзьлюлик ве къапар алмакъ деген шей ёкъ.

Эюп акъкъында китап 34:19

Лякин О, ёлбашчыларгъа айры урьмет косьтермей, бай-фукъарени айырмай, чюнки олар эписи – Онынъ яраткъанларыдыр.

Эюп акъкъында китап 37:24

Шунынъ ичюн, эй, адамлар, Алладан къоркъунъыз! О, сизинъ акъыллы олгъанынъызгъа бакъмаз!

Левийлилер 19:15

Адалетсиз суд этменъиз. Фукъаре адамгъа керексиз дикъкъат косьтерменъиз, буюк адамгъа да чокъ урьмет этменъиз. Якъын адамны адалетнен суд этинъиз.

Матта 16:27

Инсан Огълу Озь Бабасы Шуретининъ нурунда, Онынъ мелеклеринен берабер келеджек ве эр кимни япкъанына коре мукяфатлайджакъ.

Лука 20:21

Олар Исадан: – Оджа! Биз билемиз ки, Сенинъ сёзлеринъ ве огреткенинъ догърудыр. Адам муим олгъаны я да муим олмагъаны Санъа эп бир, Сен адамларгъа Алланынъ акъикъий ёлуны огретесинъ.

Фаалиет 10:34

Пётр лафыны башлап, бойле деди: – Керчектен, Алла адамларны айырмай.

Римлилерге 2:11

Алла адамларны айырмай.

2 Коринтлилерге 5:10

Эпимиз Месихнинъ суд тахты огюнде тураджакъмыз ве беденде яшагъан вакъытта япкъан яхшы я да яман ишлеримизге коре акъкъымызны аладжакъмыз.

Эфеслилерге 6:8

чюнки билесиз ки, къул да, азат адам да, эр бир инсан Раббиден япкъан яхшылыкъкъа коре мукяфат аладжакъ.

Эфеслилерге 6:9

Эфендилер, сизлер де оларгъа шуны япынъыз ве къоркъутмагъа токътанъыз. Сиз билесиз ки, коклерде эм оларнынъ, эм сизлернинъ Эфендинъиз бар; О, адамларгъа тенъ бакъа.

Къануннынъ текрары 1:17

Суд эткенде, адамлар арасында фаркъ этменъиз. Эм адий, эм буюк адамнынъ лафына къулакъ асынъыз. Адамлардан къоркъманъыз. Суд – Алланынъ ишидир. Сиз чезип оламагъан даваларны исе манъа кетиринъиз, мен оларны бакъарым», – дедим.

Къануннынъ текрары 10:17

Алланъыз олгъан РАББИ – аллаларнынъ Алласы, раббилернинъ РАББИсидир, улу, къудретли ве къоркъунчлы Алладыр! О адамларнынъ бетине бакъмай, къапарлар алмай,

Колоссайлыларгъа 4:1

Эфендилер, къулларынъызнен догъру ве адалетли олунъыз. Билесиз ки, сизинъ де коклердеки Эфендинъиз бар.

1 Тессалоникелилерге 4:6

Бу ишлерде ич кимсе дин къардашларына акъсызлыкъ япмасын ве оларны алдатмасын, чюнки, эвельден сизлерге айткъанда тенбиелегенимиз киби, бутюн бу ишлер ичюн Алла джезалайджакъ.

2 Тессалоникелилерге 1:6

Эгер Алла сизни азаплагъанларгъа беля берсе, бу, тек адалетли олур.

Филимонгъа 1:18

Эгер исе о санъа бир шейде яманлыкъ япкъан олса я да санъа борджлу олса, буны меним эсабыма юкле.

Еудийлерге 2:2

Кечкен заманларда мелеклернен берильген Къанун пек къатты эди, ве эр тюрлю гуна ве Къануннынъ бозулувы адалетнен джезалана эди.

1 Пётр 1:17

Алла адамларны бири-биринден айырмай, эр бирини япкъан ишлерине коре суд эте. Эгер сиз Онъа «Баба» десенъиз, бу дюньяда вакътынджа яшагъанынъызда, Ондан къоркъунъыз.

Иуда 1:16

Олар – мырылдагъан адамлар, ич бир шейден разы дегиллер, тек озь истеклерининъ артындан юрелер, агъызларындан къопай лафлар чыкъа, озь файдасы ичюн башкъаларына ялтакъланалар.