Колоссайлыларгъа 3:10 - Мукъаддес Китап

¹⁰ ве янъы адамнынъ табиатыны алдынъыз; о, бильги ярдымынен Яратыджынынъ къыяфетине коре янъы ола.

Колоссайлыларгъа 3:10 ပူးပေါင်းရင်းမြစ်များ

Башланув 5:1

Мына, Адемнинъ эвлятлары акъкъында ривает. Алла адамны яраткъанда, оны Аллагъа ошатып ясады.

Эюп акъкъында китап 29:14

Акъикъатны урба киби кие эдим, адалетлик манъа чалма киби эди.

Зебур 51:10

Мен исе Алланынъ Эвинде, ешерип тургъан зейтюн тереги киби, Алланынъ буюк севгисине эбедиен ишанам.

Ешая 52:1

Котериль, эй, Сион, котериль! Къудретли ол! Эй, азиз шеэр Ерусалим! Дюльбер урбаларынъны кий! Эндиден сонъ сюннет этильмеген, арам олгъан ич кимсе къапуларынъдан кирмейджек!

Ешая 59:17

Устюне бир зырх киби, догърулыкъны кийди, Озь башына башлыкъ киби, къуртарувны къойды. Акътыман урбасыны кийди, гъазапнен, япынджанен киби, устюни къаплады.

Ехезкель 11:19

Мен оларгъа бир юрек береджегим, ичлерине янъы рух къояджагъым. Ичлериндеки таш юрекни чыкъарып, онынъ ерине йымшакъ юрекни къояджагъым.

Ехезкель 18:31

Эписи япкъан акъсызлыкъларынъызны ташланъыз, озюнъизге янъы юрек ве янъы рух япынъыз. Исраиль халкъы! Нечюн сиз ольмек керексиз?

Ехезкель 36:26

Мен сизге янъы юрек береджегим, ичинъизге янъы рух къояджагъым. Таш юреклеринъизни беденлеринъизден чыкъарып, сизге йымшакъ юрек береджегим.

Юхан 17:3

Эбедий аят исе – Сени, бирден-бир акъикъий Алланы, эм де Сен ёллагъан Иса Месихни танып-бильмектир.

Римлилерге 12:2

Бу дюньягъа уйманъыз, амма, акъылынъыз янъы олгъан сайын, денъишинъиз ве Алланынъ яхшы, гузель ве къусурсыз истегенини сынап анъланъыз.

Римлилерге 13:12

Гедже кечеята, куньдюз якъынлашты. Шунынъ ичюн къаранлыкъ ишлеринден вазгечип, ярыкъ силяларыны алайыкъ.

Римлилерге 13:14

Эр биринъиз Месихнинъ табиатыны алдынъыз. Беденлеринъизни бакъкъанынъызда, беден истеклери сизге падишалыкъ этмесинлер.

Римлилерге 6:4

Биз сувгъа батырылып, олюлерден тирильген Месих киби олып, Месихнен берабер ольген киби оламыз ве тирилип, янъыдан яшап башлаймыз.

Римлилерге 8:29

Эвельден белли олгъан адамларны Алла Огълунынъ къыяфетине ошатмагъа чокътан берли къарар чыкъарды. Бойлеликнен, Огълу биринджи олып, чокъ къардашларынынъ Агъасы олды.

2 Коринтлилерге 3:18

Биз эпимиз ачыкъ бетнен Раббининъ шуретине бакъамыз, оны, кузьгю киби, косьтеремиз ве шуретимизни чокълаштырып, Раббининъ Рухунен Онъа ошап денъишемиз.

2 Коринтлилерге 4:16

Шунынъ ичюн биз рухтан тюшмеймиз. Корюнген беденимиз къартайса да, ички рухумыз кунь-куньден къуветлене.

2 Коринтлилерге 4:6

Къаранлыкътан ярыкъ янсын деп, буюргъан Алла бизим юреклеримизни де ярыкълатты, бизге Иса Месихнинъ юзюнде янып тургъан Озюнинъ шуретини бильдирип косьтерди.

2 Коринтлилерге 5:17

Демек, Месихке инангъан адам – янъы яратылгъан инсандыр. Эски олгъаны ёкъ олды, энди янъы олгъаны пейда олды.

Галатиядакилерге 3:27

Сизлер эпинъиз сувгъа батырылып чыкъкъанда, Месихке къошулдынъыз, ве эр биринъиз Месихнинъ табиатыны алдынъыз.

Галатиядакилерге 6:15

Сюннетнинъ де, сюннетсизликнинъ де ич бир къыймети ёкъ, тек янъыдан яратылгъан инсан олмакъ керек.

Эфеслилерге 2:10

Биз – Онынъ япкъанымыз, хайырлы ишлер япмакъ ичюн, Иса Месихте янъыдан яратылгъанмыз. Алла бизге бу ишлерни эвельден азырлап къойды.

Эфеслилерге 2:15

О, Озь беденинде душманлыкъны четке ташлады, эмирлернен ве низамнамелернен Къанунны ёкъ этти. Барышыкъ тюзгенинен, О, экисинден Онынъ Озюнде бир янъы адамны яратты

Колоссайлыларгъа 3:12

Шунынъ ичюн, Алланынъ азиз ве севимли сайлангъан адамлары олып, шефкъат, мераметлик, эйилик, алчакъгонъюллик, йымшакълыкъ ве сабыргъа кийининъиз.

Колоссайлыларгъа 3:14

Буларнынъ устюне севгини кийинъиз, чюнки о, буларнынъ эписини эр шейден яхшы багълай.

Филимонгъа 1:6

Бизим сеннен берабер бир олгъан иманымыз Месих бизге берген эр бир эйиликни санъа анъламагъа ярдым этсин.

Еудийлерге 6:6

лякин бундан сонъ имандан къайтса, оларны кене тёвбе эттирип тюзетмеге чаре ёкъ. Бойле адамлар Алланынъ Огълуны янъыдан хачкъа мыхлайлар ве масхара этелер.

1 Юхан 2:3

Биз билемиз: эгер биз Онынъ эмирлерини беджерсек, биз Оны акъикъатен билемиз.

1 Юхан 2:5

Ким исе Онынъ сёзюни тутса ве беджерсе, о адамда акъикъатен де Алланынъ севгиси тер-темиз олды. Бундан биз Онда булунгъанымызны билемиз.

Сырларнынъ ачылувы 21:5

Тахтта Отургъан: – Мен эр шейни янъы этип яратам! – деди. Сонъ манъа: – Буны язып къой, бу сёзлер ишанчлы ве акъикъийдир! – деди.