Колоссайлыларгъа 2:18 - Мукъаддес Китап

¹⁸ Озь истегинен озьлерини алчакъ къоймакътан ве мелеклерге табынмакътан кейф тапкъан адамлар сизинъ мукяфатынъызны алмасын. Олар озь корьген руялар акъкъында фикир этелер, озь адам акълынен бошуна макътаналар.

Колоссайлыларгъа 2:18 ပူးပေါင်းရင်းမြစ်များ

Башланув 3:13

РАББИ-Тааля апайдан: – Не яптынъ сен?! – деп сорады. – Мени йылан алдатып ёлдан урды, ве мен ашадым, – деп джевап къайтарды апай.

Эюп акъкъында китап 38:2

– Бильгисиз сёзлернен Меним япкъанларыма шубеленген бу адам кимдир?

Ешая 57:9

Сен Молек путкъа барып, онъа бахшыш оларакъ зейтюн ягъыны кетире эдинъ, къокъулы мислеринъни онъа аджымаздан масраф эте эдинъ, эльчилеринъни узакъ ерлерге ёлладынъ, оларны тап олюлернинъ дюньясына йибердинъ.

Ехезкель 13:3

– РАББИ-ТААЛЯ шойле дей: Ич бир шей корьмеген, амма озь рухларына инангъан акъылсыз пейгъамберлерге беля олсун!»

Даниял 11:38

Лякин къалелернинъ алласына шурет косьтереджек, бабалары бильмеген аллагъа алтын, кумюш, дегерли ташлар ве чешит тюрлю къыйметли шейлерни бахшыш этеджек.

Сайылар 25:18

Олар озь айнеджиликлеринен сизге къаршы душманджа арекет эттилер, Пеорнен ве озь къызкъардашынен, мидьянлы башлыкънынъ къызы Козбийнен сизлерни алдаттылар. Лякин Пеор ичюн ёкъ этилюв кунюнде бу къыз ольдюрильди, – деди.

Матта 24:24

Ялан месихлер ве ялан пейгъамберлер пейда олып, имкяны олса, сайлангъанларны биле ёлдан урмакъ ичюн, буюк аджайип шейлер япаджакълар ве бельгилер косьтереджеклер.

Римлилерге 1:25

Алланынъ акъикъатына аркъасыны чевирип, олар ялангъа инандылар. Эбедиен шуретли Яратыджыгъа ибадет этмекнинъ ве Онъа хызмет этмекнинъ ерине Онынъ яраткъан шейлерине ибадет этип башладылар. Керчектен де, ойле олды.

Римлилерге 16:18

Бойле адамлар Раббимиз Иса Месихке дегиль, озь къурсакъларына хызмет этелер ве темиз юрекли адамларны татлы сёзлернен ве ялтакълыкънен алдаталар.

1 Коринтлилерге 13:4

Севги чокъ сабырлы ве мераметлидир. Севги пахылламаз, макътанмаз ве къопаймаз.

1 Коринтлилерге 3:3

чюнки сизлер даа бу дюньянынъ адамлары кибисинъиз. Аранъызда пахыллыкъ ве къавгъа олса, сиз бу дюньянынъ адамлары киби дегильсинъизми? Дюньянынъ адамлары киби арекет этмейсинъизми?

1 Коринтлилерге 4:18

Аранъыздаки базы адамлар къопайдылар; олар, мен сизлерге тез кельмем, деп тюшюнелер.

1 Коринтлилерге 4:6

Дин къардашлар, мен айткъан шейлерни сизинъ файданъыз ичюн биринджиден озюм акъкъында, эм де Аполлос акъкъында айттым. Шунынъ ичюн сизлер «язылгъан шейлерден гъайры ич бир шей уйдурмагъа» бизден огренинъиз ве ич бир адамнен башкъасынынъ зарарына макътанманъыз.

1 Коринтлилерге 8:1

Шимди путларгъа багъышлангъан ашлар акъкъында лаф этейик. Бизим эпимизде бильгимиз бар, амма бильги адамны къопай эте, севги исе къавийлештире.

1 Коринтлилерге 9:24

Ярыш мейданында эписи чапа, амма тек бир адам мукяфат алгъаныны бильмейсизми? Сизлер де мукяфат алмакъ ичюн, чапынъыз!

2 Коринтлилерге 11:3

Амма къоркъам ки, йылан айнеджиликнен Аваны алдаткъаны киби, сизинъ фикирлеринъиз де бозулып, Месихнинъ артындан адийликнен ве темизликнен юрмектен вазгечеджексинъиз.

2 Коринтлилерге 12:20

Янынъызгъа кельгенимде, сизлерни мен истемеген алынъызда тапарым ве сизлер мени истемегенинъиз алымда тапарсыз, деп къоркъам. Кельгенимде, къавгъа, пахыллыкъ, гъазап, давалар, яман лафлар, ошек, къопайлыкъ, низамсызлыкъ корерим, деп къоркъам.

Эфеслилерге 4:17

Шунынъ ичюн, мен буны айтам ве Раббиден сизге ялварам: Алланы бильмеген халкълар киби, бош фикирлерге коре энди яшаманъыз.

Эфеслилерге 5:6

Ич кимсе сизлерни бош сёзлернен алдатмасын; бу шейлер ичюн сёз динълемегенлернинъ башына Алланынъ гъазабы келеджек.

Къануннынъ текрары 29:29

Эр гизли шейни бильмеге – Алламыз олгъан РАББИнинъ ишидир, ачыкъ олгъан шейлер исе – бизге ве эвлятларымызгъа берильгендир. Бизлер бу Къануннынъ сёзлерини эбедиен беджермек керекмиз.

Филиплердекилерге 3:14

сонъки макъсаткъа ынтылам. Бу коклердеки мукяфатны алмакъ ичюн, Алла бизни Иса Месих аркъалы чагъырды.

Колоссайлыларгъа 2:23

Бутюн бу озю тюшюнип тапкъан диндарлыкъ, озюни алчакъгонъюлли киби косьтерюв ве беденини азаплав, эльбетте, икметке ошай, лякин беденнинъ яман истеклерини бастыргъанда бунынъ файдасы ёкъ.

Колоссайлыларгъа 2:4

Буны мен, ич кимсе сизлерни инандырыджы сёзлернен ёлдан урмасын деп, айтам.

Колоссайлыларгъа 2:8

Мукъайт олунъыз, ич кимсе сизлерни яланджы ве бош фельсефенен авес эттирмесин. Бойле сёзлер Месихтен дегиль, адамларнынъ урф-адетлеринден ве дюньянынъ рухий кучьлеринден келелер.

1 Тимотейге 1:7

Олар Къанун оджалары олмагъа истейлер, амма озьлери не айткъанларыны, не тасдыкъ эткенлерини бильмейлер.

1 Тимотейге 4:1

Рух ачыкътан айта: сонъки вакъытларда базы адамлар имандан къайтаджакълар ве ёлдан ураджакъ рухларгъа, шейтанларнынъ огретювине къулакъ асаджакълар.

2 Пётр 2:14

Козьлери ороспулыкъкъа толалар, токътамайып гуна япалар. Олар зайыф адамларны ёлдан уралар; юреклери къызгъанчлыкъны яхшы огренгенлер. Олар – лянет балаларыдыр.

1 Юхан 2:26

Буларны сизни ёлдан ургъанлар акъкъында яздым.

Сырларнынъ ачылувы 12:9

Буюк аждерха, Иблис ве Шейтан адыны ташыгъан, бутюн дюньяны алдатып ёлдан ургъан къадимий йылан ер юзюне ташланды. Ер юзюне онынъ мелеклери де ташландылар.

Сырларнынъ ачылувы 13:14

биринджи айваннынъ адындан аджайип ишлерни япа ве бойле этип, ер юзюнде яшагъанларны алдата эди. О, адамларгъа буюрды, ве олар биринджи айвангъа ошагъан путны яптылар. (Бу айван къылычтан яраланып, сагъ къалгъан эди.)

Сырларнынъ ачылувы 13:8

Ер юзюнде яшагъанларнынъ эписи, адлары дюнья яратылгъанындан берли къурбан кетирильген Къозунынъ яшайыш китабына язылмагъанлар, айвангъа ибадет этеджек.

Сырларнынъ ачылувы 19:10

Мен, онъа ибадет этмек ичюн, аякъларына йыкъылдым. Лякин о манъа шойле деди: – Ёкъ, буны япма! Мен, сен киби, Алланынъ бир къулум. Иса акъкъында хаберге ишангъан дин къардашларынъ киби, мен де Аллагъа хызмет этем. Аллагъа ибадет эт. Иса акъкъында хабер – пейгъамберликлернинъ рухудыр.

Сырларнынъ ачылувы 3:11

Мен тезден келирим. Къолунъда не олса, къатты тут, ич кимсе таджынъны тартып алмасын.