Колоссайлыларгъа 1:29 - Мукъаддес Китап

²⁹ Менде къудретли арекет эткен Онынъ кучюни къулланып чалышам ве курешем.

Колоссайлыларгъа 1:29 ပူးပေါင်းရင်းမြစ်များ

Лука 13:24

– Тар къапудан кирмек ичюн арекет этинъиз. Сизге айтам: чокъ адам анда кирмеге арекет этеджеклер, амма кирип оламайджакълар.

Римлилерге 15:20

Бойлеликнен, башкъалары къургъан темель устюне бина къурмайып, Къуванчлы Хаберни Месихнинъ Ады даа белли олмагъан ерлерде бильдирмеге тырыштым.

Римлилерге 15:30

Агъа-къардашларым, Раббимиз Иса Месих Адындан Рухнынъ севгисинен сизге ялварам: меннен берабер гъайретнен меним ичюн Аллагъа дува окъунъыз:

1 Коринтлилерге 12:11

Буларнынъ эписи – айны шу Рухнынъ ишидир. О, бу къабилиетлерни истегенине коре айры-айры багъышлай.

1 Коринтлилерге 12:6

Арекетлер де чешит тюрлю ола, амма эписинде эр бир арекетни яраткъан бирден-бир Алладыр.

1 Коринтлилерге 15:10

Энди не олгъан олсам, Алланынъ эйилигинен олдым. Онынъ манъа косьтерген эйилиги бошуна чыкъмады, чюнки мен эльчилернинъ эписинден чокъ чалыштым. Даа догърусы чалышкъаным озюм дегиль, манъа берильген Алланынъ эйилиги чалышты.

2 Коринтлилерге 11:23

Олар Месихнинъ хызметчилерими? Мен акълымны джойгъан киби айтам: мен олардан буюгим! Иш десенъиз, мен олардан чокъ чалыштым. Зиндан десенъиз, олардан чокъ зинданда яттым. Котек десенъиз, мен олардан чокъ котек ашадым, атта чокъ кере олюмге якъын олдым.

2 Коринтлилерге 13:3

Меним ярдымымнен Месих айткъанына делиль къыдырасыз. Месих такъаттан кесильмеди ве аранъызда Озь къудретини косьтере.

2 Коринтлилерге 5:9

амма я бу дюньядаки беденде олсакъ да, я ондан тыш олсакъ да, Раббини къувандырмагъа чокъ тырышамыз.

2 Коринтлилерге 6:5

котек ашагъанымызда, зынджырларда отургъанымызда, бизге къаршы чыкъкъанларгъа котерильгенимизде, агъыр иш эткенимизде, юкъусыз олгъанымызда, аштан-сувдан вазгечкенимизде, хызмет этемиз.

Эфеслилерге 1:19

Алланынъ къудретининъ буюклиги насыл сынъырсыз олгъаныны да билирсинъиз. Биз Онынъ кучьлю къуветининъ иши ичюн инанамыз.

Эфеслилерге 3:20

Алла бизде арекет эткен къудретинен бизим эписи истеклеримизден я да тюшюнгенимизден чокъча япмагъа кучьлюдир!

Эфеслилерге 3:7

Мен бу Къуванчлы Хабернинъ хызметчиси олдым, чюнки Алланынъ эйилик бахшышы манъа Онынъ къудрети ярдымынен берильди.

Филиплердекилерге 1:27

Тек Месихнинъ Къуванчлы Хаберине ляйыкъ олып яшанъыз. Я мен келип корьсем я да кельмесем де, бир рухта олгъанынъызны, бир джанда Къуванчлы Хабернинъ иманы ичюн бирликте курешкенинъизни эшитейим.

Филиплердекилерге 1:30

Меним сиз корьген ве шимди эшиткен курешимде сизлер де иштирак этесинъиз.

Филиплердекилерге 2:13

Алла Озю сизлерде арекет эте ве Озь эйи ирадеси ичюн сизлерде истекни де, арекетни де ярата.

Филиплердекилерге 2:16

ве аят сёзюни къатты тутасыз. Бу, Месихнинъ кунюнде манъа макътанмагъа себеп ве меним огге ынтылгъаным ве агъыр чалышкъаным бошуна олмагъанына делиль олур.

Колоссайлыларгъа 2:1

Мен сизлер ичюн, Лаодикея шеэриндекилер ичюн, эм де бетимни корьмегенлер ичюн не къадар буюк курешимни бильгенинъизни истейим.

Колоссайлыларгъа 2:12

Сувгъа батырылып, Месихнен берабер дефн этильдинъиз; Месихни олюлерден тирильткен Алланынъ къудретине инанып, Онен берабер тирильдинъиз.

Колоссайлыларгъа 4:12

Иса Месихнинъ къулу, сизлерден бириси олгъан Эпафрас, сизлерге селям ёллай. Сизлер къатты турып, Алланынъ сизлерден не истегенини къатты бильгенинъиз ичюн, Эпафрас эр вакъыт сиз ичюн гъайретнен дува окъуй.

1 Тессалоникелилерге 2:9

Агъа-къардашлар, сиз бизим агъыр ишимизни ве къыйынлыкъларымызны мытлакъа унутмадынъыз: сизинъ ич биринъизге агъыр кельмесин деп, биз гедже-куньдюз чалышып, сизге Алланынъ Къуванчлы Хаберини бильдире эдик.

2 Тессалоникелилерге 3:8

ич кимсенинъ отьмегини бедава ашамай, лякин, сизинъ ич биринъизге агъыр кельмесин деп, биз гедже-куньдюз токътамайып чалыша эдик.

2 Тимотейге 2:10

Шу себептен, сайлагъан адамлар ичюн эр шейге даянам, олар да Иса Месихте олгъан къуртулышны ве эбедий шуретни алсынлар.

Еудийлерге 12:4

Гунагъа къаршы курешкенинен, сизлер даа къан тёкюледжек къадар къаршылыкъ корьмединъиз.

Еудийлерге 13:21

Онынъ истеген ишлерини япынъыз деп, сизге эр бир эйи шейни берсин ве Иса Месих ярдымынен сизлерде бегенген шейини беджерсин. Иса Месихке эбедиен шан-шуретлер олсун! Амин.

Сырларнынъ ачылувы 2:3

Сен чокъ сабырлысынъ. Меним Адым ичюн башынъдан чокъ шей кечирдинъ ве болдурмадынъ.