Колоссайлыларгъа 1:19 - Мукъаддес Китап

¹⁹ Алла бутюн толулыкънынъ Онда булунаджагъыны истеди.

Колоссайлыларгъа 1:19 ပူးပေါင်းရင်းမြစ်များ

Лука 10:21

‌Шу ань Иса Мукъаддес Рухта пек къуванды ве: – Бабам, кок ве ернинъ Раббиси! Шуретлейим Сени! Сен шуны акъыллылар ве бильгилилер ичюн гизли эттинъ, кучюк балаларгъа исе ачтынъ! Эбет, Бабам, Сенинъ эйи ираденъ шойле эди! – деди.

Юхан 1:16

Онынъ ачыкъ къоллулыгъындан биз эпимиз яхшы бахшышлар бир-бири артындан алдыкъ.

Юхан 3:34

Алла ёллагъан адам Алланынъ сёзлерини айта, чюнки Алла Озь Рухуны аджымайып бере.

1 Коринтлилерге 1:21

Алланынъ истегине коре, дюнья озь акъылынен Оны анълап оламады, ве шунынъ ичюн Алла имангъа кельген адамларны «акъылсыз» хабер ярдымынен къуртармагъа къарар этти.

Эфеслилерге 1:23

Иманлылар джемиети исе – Месихнинъ бедени, эписини эписинде Толдургъаннынъ толулыгъыдыр.

Эфеслилерге 1:3

Алланы, Раббимиз Иса Месихнинъ Бабасыны, шуретленъиз! О, бизге Месихте эр бир коклердеки рухий бахшышны берди.

Эфеслилерге 1:5

О, Озь эйи истегенинен бизни Иса Месихнинъ ярдымынен Озюнинъ огъуллары япмагъа эвельден къарар этти.

Эфеслилерге 4:10

О, тюшти ве Озю эр шейни толдурмакъ ичюн бутюн коклерден юксек котерильди.

Колоссайлыларгъа 2:3

Икметнинъ ве бильгининъ бутюн хазинелери тек Онда сакълылар.

Колоссайлыларгъа 2:9

Амма Алланынъ бутюн толулыгъы Месихте, Онынъ беденинде джанлана.

Колоссайлыларгъа 3:11

Мында шимди не юнан бар не еудий, не сюннетли бар не сюннетсиз, не варвар бар не скиф, не къул бар не азат, лякин тек Месих бар. О – эр шей ве эр шейдедир.