Хошеа 9:11 - Мукъаддес Китап

¹¹ Эфраимлилернинъ шурети, бир къуш киби, учып кетеджек. Олар не юкке къаладжакъ, не юклю оладжакъ, не бала тападжакъ.

Хошеа 9:11 ပူးပေါင်းရင်းမြစ်များ

Башланув 41:52

Экинджисине исе Эфраим деген ад берди, чюнки о: «Мен къыйналгъан топракъта Алла мени махсулдар этти», – деп айта эди.

Башланув 49:22

Юсуф – махсулдар терекнинъ пытагъыдыр, чокъракъ устюнден оськен махсулдар терекнинъ пытагъыдыр. Онынъ пытакълары дивар устюнден осип кетелер.

2 Падишалар 6:23

Бундан сонъ Шаул къызы Микъал озюнинъ олюмине къадар бир бала догъмады.

Эюп акъкъында китап 18:5

Эбет, яман адамнынъ ярыгъы сёнеджек, атешинден къыгъылчымы къалмайджакъ.

Зебур 58:8

Оларнынъ агъызлары яман сёзлер айтып токътамай, дудакъларында исе къылычлар! Олар: «Ким эшитир экен?» – дейлер.

Джемаат башы 6:3

Биревнинъ юз баласы биле олып, узун омюр яшаса да, яшайышынынъ куньлери пек чокъ олса да, джаны исе яхшы шейлеринден зевкъ алмагъан ве дженазеси де олмагъан олса, мен бойле айтар эдим: «Къадыннынъ вакътындан эвель олю догъгъан баласы ондан бахтлыдыр».

Ешая 17:3

Эфраимнинъ къавийлештирильген шеэрлери къалмайджакъ, падиша Дамасктан падишалыкъ этмейджек. Исраильнинъ шуретинен не олгъан олса, ойле де Арам падишалыгъындан къалгъанларнен оладжакъ, – дей Ордуларнынъ РАББИси.

Хошеа 10:5

Самариеде яшагъанлар Бет-Авендеки бузавнен олгъаныны корип къоркъаджакъ. Халкъ онынъ артындан зар чекеджек. Онъа къуванчнен ибадет эткен руханийлер шурети ондан айырылгъаны ичюн агълайджакъ.

Хошеа 4:7

Руханийлер чокълашкъан сайын, Манъа къаршы гуналары да арта. Мен оларнынъ шуретини масхаралыкъкъа чевиреджегим.

Хошеа 5:9

Джеза куню Эфраим бакъымсыз сахрагъа чевириледжек. Мен Исраиль къабилелери арасында мытлакъа оладжагъыны бильдирдим.

Хошеа 9:14

Я РАББИ, береджегинъни бер оларгъа. Сен оларгъа не береджексинъ? Бала тапмагъан къурсакъны ве сютсюз эмчеклерни бер оларгъа.

Амос 1:13

РАББИ бойле дей: – Гуна устюне гуна къазангъанлары ичюн, аммонлыларны мытлакъа джезалайджагъым. Чюнки олар, озь мемлекетине башкъа топракъларны къошмакъ ичюн, Гиладда юклю къадынларнынъ къурсакъларыны яра эди.

Лука 23:29

Мына ойле куньлер келеята ки: «Не де бахтлыдыр ич догъурмагъан, къысыр ве бала эмиздирмеген къадынлар», – дейджеклер.

Къануннынъ текрары 28:18

Балаларынъ, топрагъынънынъ махсуллары, бузавларынъ, улакъларынъ ве къозуларынъ лянет оладжакъ.

Къануннынъ текрары 28:57

аякъларынынъ арасындан чыкъкъан эшке ве озь тапкъан уфакъ баласына яман козьлеринен бакъаджакълар. Олар, эр шейнинъ ёкъсузлыгъында, оны гизли ашамагъа ниетленеджеклер, чюнки яшагъан ерлеринъде душманынънынъ къамачавы ве сенинъ алынъ пек агъыр оладжакъ.

Къануннынъ текрары 33:17

Онынъ биринджи догъгъан бугъасы – онынъ сайгъысы, бойнузлары – кийик бугъанынъ бойнузлары киби, оларнен о, ернинъ башкъа четинедже олгъан халкъларны тюртеджек. Бу – Эфраимнинъ он бинълери ве Менашшенинъ бинълеридир.